人情冷暖

近來, 好掛住小朋友, 你問點解, 我又講唔出, 總之個心好多時都會諗起佢啦, 最好可以日日陪住佢...
公司, 最近有人結婚, 喜帖都應該派曬喇, 但都無話我知,
無緊要啦, 每個人心底裡都有自己嘅朋友, 反正而家我只係關心家人, 小朋友,
其他一切都唔重要喇... 係呢到祝佢, 新婚快樂, 白頭到老... congratulation...

morgan stanley, 好 Q 吋喎, 不過算啦, 爸爸講得有道理, 幾碗飯都食得落, 小事, 咪忍吓囉.. 人情冷暖, 我相信即使係家誠哥都有過低潮, 呢個世界嘅人最鐘意打落水狗, 見慣...

大學同學, 收皮啦, 一直自己當佢係 friend, 但居然可以咁 cheap, 真係無諗過, 媽媽話齋, 可能係自己嘅問題, 應該好好咁檢討吓...

一吋故事

科技好先進, 點一點, 拉一拉, 就知幾大
由一開始好唔開心, 到證實之後, 心情好快平伏, 又做咗個決定,
最初好驚開口, 但都係要講, 不過老人家又聽唔到喎, 唔知係咪我好彩呢?
到之後人地話咗比佢聽, 佢好唔開心, 仲發我地皮四..黑口黑面, 連爸媽都 feel 到
不過多謝我屋企人, 飲完茶之後, 同佢地去撰衫, 飲吓茶,
之後上到佢屋企, 佢已經好開心, 無嘢喇喎,仲諗緊點寫啲咭咭 tim
到而家, 好多嘢都已經搞定, 不過都係要諗清楚, 驚果日會有嘢漏..
好開心, 又好興奮,唔試過真係唔知, 原來自己都幾勁 (十仆...)
小朋友, 係今次呢件事, 我對你認識深咗, 多謝你有型同無型嘅支持...

人生大事(喜與憂)

以下係近來嘅心路歷情同心願
經濟, 唔可以唔考慮
現實, 好多嘢要做足
小寶, 健健康康成長
老婆, 心平氣和分憂
外父, 可以靈活變通
外母, 比啲實質意見
父母, 多謝佢地支持
自己, 好多不足地方

心願..

小朋友, 我好耐都無寫日記喇, 但有句嘢我係一定要講嘅, 就係 "真的愛您", 我知道自己小小事都會發脾氣, 對唔住, 我嘅工作同健康, 都比咗好大壓力比我, 好多時我都心情不佳, 如果有令到您唔開心, 希望您可以原諒我, 我嘅心願係可以一直咁照顧您同屋企人, 帶啲開心同快樂比您地..

人生大事..

咁日開始同小朋友係屋企搵啲關於結婚嘅資料,發覺都真係幾多嘢搞, 最初小朋友話可以係伊甸園搞 cocktail, 我仲諗住大安旨意, 唔駛煩, 點知一睇, 發覺好有問題喎, 個 cocktail party 都無枱, 你叫啲人點食嘢呀, 感覺怪怪, 小朋友, 我地大個架喇, 唔可以玩泥沙咁, 結婚係人生大事, 我唔想好似之前咁求求其其咁就娶咗你返黎, 知無..問心, 我都係個傳統嘅中國人, 結婚, 當然希望擺酒啦, 只係諗緊我嘅經濟可以容許我做得幾鋪張啫, 兩家人相量吓囉, 盡量去滿足所有人.

咁日買糖, 比人昆咗三百蚊, 小朋友好擔心我會偷偷地買糖食, 其實我唔會啦, 我個人都真係幾忠直, 唔會講大話, 有咩嘢都話比我鍾意嘅人知架.. 況且, 咁日唔駛食糖, 表現都相當好, 出乎意料之外, 如果成日都好可以咁就好喇..

中秋節

眨吓眼又過咗中秋節喇, 今年中秋過得特別開心, 一來唔似舊年咁多擔心, 二來小朋友第二日唔駛返工, 可以去到好夜, 三來無落雨, 可以賞月同玩爉燭, 好開心, 希望以後嘅中秋都可以同小朋友和屋企人一齊過, 今年小朋友係我屋企食飯, 辛苦爸爸, 佢煮咗好多餸, 早一日佢已經買咗啲蟹喇, 好彩到煮個日都仲係好生猛, 佢仲話呢啲先真正係大陸蟹喎.. 係唔係, 我又真係唔知喇, 只知道佢好好肉, 超正..

話時話, 今年食咗兩餐中秋飯, 第一餐, 因為要就小朋友所以早咗食, 第三餐就係正日食, 真係好鬼著數, 呵呵.. 咁日上完大陸, 都無咩特別, 只係食同睇人攞獎, 不過最慘就係坐車, 去又只係兩個鐘, 但返黎就要成四個鐘, 超慘.. 最無聊就係要坐係個 hall 到四個鐘, 睇人攞獎同講廢話, 真係好難頂, 夜晚餐飯仲搞嘢, 啲餸超唔好食, 你試過食魚丸有條成吋長嘅骨未呢, 呢味餸個名都怪過人, 鮑汁扒雙丸. 我一生人, 食過咁多餐晚飯, 都未見過呢味餸, 佢諗到都真係好犀利.. 最終我都係食唔飽, 返到香港十二點幾都仲要買碗車仔宙麵醫肚, 但係晏晝果個 lunch buffet 反而 ok 好味喎, 點解會咁架呢?..

係個 event 到, 見返以前一個 senior, 而家佢已經好高 grade 喇, 睇曬成個大陸嘅 IT department, 又同個 IT director 排排坐係個 stage 到做 presentation, 仲攞埋個全年大獎, 過去嘅成績完全得到大佬闆嘅肯定, 我都覺得佢實至名歸, 因為侉真係好醒, 做嘢好得, 口才又好, 回程嘅時候, 佢坐係我後面, 成四個鐘車, 但佢把口未停過, 但佢講嘅嘢又真係好有趣, 我越聽越想聽, 有時心諗, 如果我有佢咁醒就好喇, 不過可惜, 現實係無可能嘅.. 仲有樣嘢我好佩報佢嘅, 就係佢嘅酒量, 佢飲果啲啲矛台, 酒精高到可以點得著火, 但佢飲落去面不改容, 真係超勁, 唔通返大陸做幾年嘢, 真係可以練到超勁嘅酒量, 不過我又唔想, 因為咁飲法, 真係好傷個肝啫, 搵到錢, 都要有命洗先得架, 係味..?

小朋友屋企終於話約出黎傾婚事喇, 等咗咁耐, 卒之等到喇, 不過唔知撰日子會撰到幾時呢? 希望唔會太遲啦, 因為唔想再拖, 我好老喇, 好想係不久嘅將來可以有多個新成員..

呵呵.. 十點半喇, 係時候打比小朋友, 佢聽日又 a/n 超慘, 好彩星期一 係公假, 我可以陪佢... yeah..

字母日記

我果自然無估錯, 小朋友每日都有睇字母小姐嘅日記, 其實我好唔開心架, 第一, 我心諗佢咁做係唔係想第一時間知道我有無同佢有聯絡呢? 第二, 我唔明點解佢嘅生活會再同我地有關係, 我跟本就唔想再去記起呢個人, 更加唔想去諗返佢有無講過大話, 唔夠膽諗, 唔經唔覺已經一年喇, 回想起舊年呢個時候, 係超唔開心, 人生從來都唔需要去做一個咁大嘅決擇, 而家諗返好似發咗場惡夢咁, 好傷心, 我深信, 無論我最後點決擇,都已經傷害咗兩個無孤嘅人, 我唔想今年中秋節落雨, 因為我好想同小朋友出去賞月,舊年大家都無咩笑容, 希望今年可以歡歡樂樂,玩燈籠...

今個星期六日, 小朋友都可以陪我, 我又唔駛去上堂, 好期待, 決定去買隻法國睡蟹返屋企搞搞佢, 唔知好唔好食架呢, 呵呵, 中國同澳洲都試過, 今次唔知有無驚喜呢, 睇 blog 話佢好得架喎... 但我成日咁食, 會唔會好快用曬啲 quota 呢, 唔理喇, 美食當前, 好難抗拒嘅, 唯有食多幾餐麥皮啦...

擇日結婚, 要攞曬所有人嘅出生日期去問黃大仙, 真係第一次聽, 我個人覺得好迷信, 生日唔可以同結婚同一個月, 因為會相沖, 但我心諗, 兩家人一共六個人, 咁搞法, 咪無咗成半年, 好彩唔駛計埋兄弟姐妹, 如果唔係有十兄弟, 咪分分鍾唔駛結, 我就覺得睇通勝搵個好嘅日子咪得囉, 唔駛咁浮誇張吓嘛..?

媽媽日日打黎問放唔放手上嘅股票, 我真係覺得好討厭, 點解人地買嘅嘢, 佢要成日多多意見呢..? 最終今日, 係係勁無心情之下, 佢話放咗隻 "豬周煤", 我都話事但啦, 我唔想日日係到比佢煩, 我好驚有一日我頂唔信會同佢炒鑊金, 錢, 有當然好啦, 人人買股票都想搵到錢, 但我唔想日日都諗住股票, 好似佢咁, 成日都話自己生活唔好, 唔開心, 但諗真啲, 我地而家嘅生活已經好過好多人啦, 佢跟本就唔知足, 成日都嘈嘈關閉, 真係頂佢唔順, 可能佢呢排見我成日都鬧佢, 佢都唔鐘意同我講嘢, 我總覺得佢對家姐就好似金菠蘿咁, 成日都幫住佢, 笑笑口, 我呢, 見到我就黑口黑面.. 算啦, 可能人老咗, 性格真係會變, 以前果個話佢好討厭, 我都唔覺, 但而家我都真係覺得佢啲性格好難頂...

一點半, 仲未食飯, 唔知食咩好, 又無咩胃口, 可能好擔心份工, 好大壓力, 自從阿姐走咗, 無人 guide 住做嘢, 覺得無咩方向, 慘, 後面又有人好大聲咁係到玩, 睇黎我都係去 food court 搵啲嘢食好過啦..

午飯隨筆...

一個人係公司食 lunch, 今日同平時一樣, 老實講, 至從我阿姐走咗之後, 我都唔係咁開心, 但唔開心又點呢, 好似今日咁, 又有種不被尊重嘅感覺, 但即使係咁, 又可以點呢, 唯有接受囉, 因為世界唔會因為你唔開心而改變, 開心啲, 煮到黎咪食囉, 有時自己覺得唔好嘅嘅嘢, 可能到最後會變成好事呢, 仲要出乎意料之外 tim..

睇咗小朋友嘅回應, 即使佢咁講, 但我都知道係有分別嘅, 仲有同咗佢咁耐, 都知道有咩令佢開心, 明顯地, 某個 condition, 佢會特別開心, 呢樣嘢係暪唔過我嘅.. 佢講嘅都有道理, 呢樣嘢係要講合作嘅, 但我始終都覺得佢同之前果個都好合拍, 而唔係好似佢講到咁差囉, 係呢一個 moment, 我都無法証實架啦, 唯有聽完咪算囉, 反正佢係佢, 我係我, 有啲嘢, 唔係你努力就可以好啲架喎, 我相信每個人一出世, 已經決定咗有咩能力, 努力只可以令你更家成公,如果先天不足, 幾努力都係無咩用嘅..

下晝要去開會, partner 未見人, 到最後會唔會得我一個人去呢..? 天曉得喇... 呵呵.. 做好心理準備, 接受一切嘅事實..

多謝關心..

首先要同小朋友講聲對唔住, 因為我發咗好大脾氣, 嚇到她呆咗, 其實我係一個好易發脾氣嘅人, 只要生活或工作上有小小事唔如意, 就會爆炸, 搵人出氣, 我自己都好驚有一日我事業唔順利, 會搵小朋友出氣, 搞到佢離開我, 果晚可能因為啲1討厭嘅 user 打電話黎, 阻住我做運動, 再加上自己又狀態不佳, 搞到即刻著火, 坦白講, 我時時問小朋友以前男友嘅事, 自己又會好唔開心, 但又係咁問, 越問越覺得自己比唔上佢, 又會諗, 佢一定令小朋友更加開心... 而自己呢, 又無咩用..

我老細之前有講過我唔成熟, 我都覺得係, 而近來發生嘅同某個同事發生嘅衝突, 更加令我知道自己嘅不足, 我要學嘅, 係成熟啲, 喜怒不形於色, 咁先可以做大事, 仲有嘅就係唔可以太理會別人感受, 多謝小朋友提點, 我會努力架喇, 盡力去做, 結果係點, 我都控制唔到... 我相信無論我有咩困難, 小朋友都唔會掉低我, 係咪..?

周生生, 令我好失望, 買忽小朋友嘅手錬, 絛啦啦斷咗, 攞到去, 佢話係我小朋友唔小心整斷, 都痴 q 線, 白金黎架 ma, 咁易斷, 唔好攞黎賣啦, 收起佢, 攞黎供奉把啦, 最後佢話免費幫我地整返, 都唯有接受, 因為有紀念價值, 希望之後唔會再有問題啦....

咁日食咗西貢果間好出名嘅 pizza, 我仲飲咗支啤酒 tim, 小朋友好搞笑問, 點解我唔會醉, 哈, 飲少少啫, 咁易醉 覆, 不過我覺得啲嘢食一般, 總係覺得啲蝦餅有一啲怪怪蝦膏味, 又硬, 真係好一般般, 至於個 ribs, 都只係過得去, pizza 就 ok la, 食完晚飯, 經過 7-11 又比人搵笨，買咗估超低 b 魔術, 我諗桀咗我, 應該無人會買, 傻仔, 行咗成日街, 好累, 回程途中, 大家都瞓著咗..

多謝小朋友係我唔開心嘅時候, 比我嘅關心, 包容同鼓勵.. 謝謝...

不詳預感

近來工作好中壓力, 基本上一起身已經 feel 到個心跳得好勵害, 每日未到七點已經起咗身, 之後又瞓唔返, 再咁落去, 真係驚自己會病, 成日都同自己講, 唔好驚, 但都係做唔到, 香港人, 永遠都係活係壓力之下, 慘..

咁日我都有唔開心, 因為我送比小朋友嘅生日禮物, 無啦啦斷咗, 唔知點講, 總之個心唔舒服, 第一次送比佢嘅嘢, 好有紀念價值, 但爛咗, 再買個一條, 都唔同咗意思, 我心又好驚係一啲不詳嘅預感, 唉, 總之就好唔開心啦, 覺得自己無咩運氣, 一件生日禮物, 最後咁樣, 頂..

心情不住...

原本好開心, 因為等咗好耐嘅嘢, 終於搞完, 但最初以為無問題嘅嘢, 睇吓啲 blog其他人寫嘅 comment, 又發覺將來都可能會有問題, 我都唔知可以點, 總之就係好煩啦, 唉, 唯有安慰自己錢財係身外物啦, 唔係又可以點呢..? 覺得自己好無用, 人生最重要嘅嘢都有污點, 好大壓力, 好唔開心.. 但又無人明白喎, 好似呢幾年都活得唔開心... 一起身就係驚, 個心好似有嘢壓住咁, 返工固然之唔開心啦, 好似無人會尊重自己, 係咪因為自己唔叻, 所以我講嘅嘢人地當我發 up 風呢..? 定係因為我唔會發佢地老脾呢? 我今日問小朋友覺唔覺得我太 soft.. 佢都話係, 睇黎我真係要改變吓.. 小朋友, 你又無打電話比我喇, 上次同你講完, 幾忙都好, 都 send 個 sms 比我, 因為擔心你上班迷途中有咩事, 我真係唔知道你係咪忙到去個 toilet, send 個 sms 比我都無時間, 我只有坐係到呆等, 人人都係咁.. 頂..

最新近況

最近真係好忙, 我出黎做嘢咁耐, 都未試過咁勤力去上堂, 又要上公司嘅 course, 自己又另外係出面讀書, 以我呢啲咁鬼懶嘅性格, 真係無諗過會可以咁樣, 最慘就係仲要寫論文, 嘩, 最後一次寫論文應該係大學最後一年, 而家又要再寫, 最初真係幾驚, 不過一輪忙碌之後, 總算做曬所有嘢, 黎緊嘅 challenge 就當然係 cert CMMI 啦, 對住班阿差, 比佢地問到口啞啞, 真慘, 正如我老細話齋, 黎緊會超忙, 因為我覺得呢個係 impossible mission. 不過點都好啦, 都要做架啦, 唯有希望我識做啦..

係呢到我要多謝我以前果個尊程由澳洲返黎幫我搞掂啲手尾, 我地又一齊去咗 kowloon tong 飲茶, 不過又真係幾得人驚喎, 成一百蚊一隻雞脾, 真係大開眼界, 不過即使貴少少都唔緊要, 最重要係食得開心, 睇黎佢結咗婚之後比以前改變咗好多, 個人又開心咗, 比以前識諗咗, 見到佢搵到一個錫佢嘅老公, 都替佢開心, 仲有幾個月搞埋個 citizenship 就可以返黎, 比心機堅持落去啦, 好快會守得雲開見月明架喇…

最近有件開心事, 就係小朋友生日喇, 我花咗啲心思, 買咗份小禮物比佢, 希望佢會鐘意啦, 原本諗住買另外一樣求婚禮物, 比個驚喜佢, 但因為近來真係有一大筆錢要洗, 所以暫時唔夠錢買住, 希望佢唔好介意啦, 等我遲啲有錢先補返比你, 每次佢生日我都會煮餐晚飯佢食, 今年都唔例外, 不過我就覺得味道好一般, 但依然希望佢食到我份心意, 仲有最重要嘅係, 今年佢終於可以有嘢帶返屋企, 唔駛再 complain 喇..記住呀, 要時時都戴住佢架, 仲有, 唔好再講大話喇, 我會好唔開心架, 知無? 到咗星菁期一嘅正, 我地都有興祝, 食日本嘢, 都幾好味, 之後又做運動, 最初好似唔係咁順利, 但後來轉吓 style, 又超合拍喎, 大家都好滿意最後嘅成績, 唔錯唔錯…

上堂..

呢排係咁上啲 PMP 嘅堂, 唯一唔同嘅係教學語言, 一中一西, 上晝父母教學, 下晝就番薯文, 一時之間真係好難適應, 但又發覺大陸嘅 PMP 同 美國嘅其實差唔多, 星期六日都要上堂, 其實好辛苦, 仲要返 9:00, 仲早過返公, 好彩, 上堂之前, 都買咗啲熱嘢食, 如果唔係就慘喇, 又凍又肚餓.. 今日就係係學習之中渡過, 我電話又無電, 又飛錯電話, 小朋友勁唔開心, 唉, 總之今日就唔開心啦...

心底喜悅...

今日睇完小朋友嘅 blog, 由心底笑出來.. 佢話股市大跌, 會全力十卜我, 哈哈不如卜十下好過啦..
今日填一張中國 PMP 嘅 certificate form, 真係自從上中學以來都無再填過中文嘅 form, 搞到要上 web 搵 keyword.. 好搞嘢...

一生富足..

今日同小朋友食 lunch, 之後仲帶咗佢行咗數碼港一個圈, 第一次同佢係公司附近食 lunch, 感覺好 sweet, 近來有一種好特別嘅感覺, 就係有家人同小朋友, 我生命已經好富足, 老實講, 今朝小朋友未同我報喜之前, 我都已經決定咗, 如果有咩意外, 我都會欣然接受, 因為我唔忍心小朋友再受傷害, 果刻真係覺得佢比好多其他嘢重要架, 唔係講假.... 應承你呀, 我會好錫你架..

股市係咁跌, 但我又無咩特別唔開心, 可能一路嘅經歷比我學識咗用平常心去面對每一件事, 好似今日咁, 我一起身就好驚, 驚公司好多嘢未做, 驚我老細以前比我嘅猫紙唔見咗, 因為星期一已經係公司搵咗好多次都搵唔到, 又驚小朋友有意外, 但最後所有嘢都解決曬, 要做嘅嘢做曬, 開會都好 smooth, 小朋友又無事, 最神奇係, 我隨手一揭枱上嘅文件, 就搵返我搵咗好耐都搵唔到嘅嘢, 真係出奇...

但我有少少覺得自己表達能力有問題, 就連負朋友都唔知我講嘅 mini bus 車站係邊.. 真差勁... 係喎, 十一點喇, 要瞓覺, 今日好疲倦.. 早啲瞓, 係夢中同蔡小姐打番場友誼波先.. 呵呵...


小朋友, 有句嘢好想同你講嘅, "真的愛你".....

有食緣...

近來終於有機會去一間聽講好出名嘅雜貨鋪, 係一個女律師開嘅, 聽講佢出生一富之家, 由細到大都係食好嘢, 幾年前開咗一間高檔雜貨鋪, 我呢啲因為食嘅人更要去參觀吓, 去之前好有期望, 去到都無令我失望, 仲可以講得大開眼界 tim, 鋪面好大, serve 你嘅人又多, 仲有好多好又大又厚嘅花膠掛曬係到, 任你摸, 我都唔執輸, 非禮咗好多隻花膠 'la'.. 正.. 又有好多鮑魚賣, 真係睇到我心 yuk yuk.. 呀, 我終於見到果罐好貴嘅日本 'IGC' 鮑魚, 不過可惜無錢買..

果到真係好多 staff, 佢地除咗賣嘢, 應該做埋 secure.. 成日望住人, 驚死人地偷佢啲嘢, 我只係 wu 低身睇吓啲合桃, 佢地即刻係咁 gut 高個頭 'chong', 驚死我地偷佢啲嘢, 直情當我地係大賊咁, 不知所謂, 最後我都買咗兩樣嘢, 就係呢個 杞子同埋粗蝦子麵, 貫杞子, 因為佢真係好大粒, 同漲 bor bor, 好靚, 蝦子麵呢, 睇呀黃相如寫嘅食譜, 講到好似好好食咁, 所以試吓...不過...

原本我都無諗住將去過呢間鋪頭嘅事寫 blog, 不過經過咁晚嘅經歷, 就真係唔可以唔寫吓, 話說咁晚同小朋友食日本嘢, 之後夜少少, 有 d d 肚餓, 見到枱面有新買嘅麵, 所以即刻試吓, 一試之下.. 真係頂頂聲, 可碗麵係我由細到大食過最差嘅, 以佢咁嘅價錢, 我覺得只可以係用兩個字形容, "垃圾'.. 啲煮完麵嘅湯, 一啲味都無, 啲麵都係無味嘅, 真係唔通啲有錢人平時食屎嘅, 我真係唔相信呢啲麵有人食完會再買囉... 頂你個肺...

好耐好耐..

好耐都已經無寫過日記喇, 小朋友一定等得好心急, 今日突然有心情寫吓日記, 頭先啱啱收到小朋友嘅 sms 問我今日點樣, 唔通佢好掛住我? 呢樣我又真係肯定, 我只係知我好掛住佢啫.. 呵呵..

最近買咗好多新玩具, 有 robinson 22 直昇機, 又買咗我一生人之中最貴嘅一隻鑊, 法國妹, le creuset, 成三千大圓, 今次真係大出血, 呢兩樣嘢我都好鍾意, 由其是隻鑊, 真係好鬼正,雖然佢有個 enamel coating, 但睇清楚 manual 同上網 check 過, 就算將來啲 enamel coating 無咗, 對健康都唔會有影響嘅, 可以繼續用, 最重要係佢成隻都係用高級生鐡鑄造, 啱曬我嘅心水, 一路都好想搵到一隻生鐡鑊, 但又唔想要果啲幾十蚊貨仔, 煮完嘢會有啲好黑嘅嘢留係隻鑊到, 洗極都唔 nut, 真係
好得人驚, 最難得係小朋友呢隻魔鬼一路咁搵直口比我做決定, 總之就係越來越覺得佢可愛啦.. 不過我到而家都未有機會去試用, 今個星期六一定要試吓佢有幾勁...

今個星期又真係好忙, 要準備下星期個 audit, 不過都好在係 internal 啫, 啲人又識嘅, 應該係無咩難度..

今晚會同小朋友去撑枱腳, 不是之後唔知有無甜品食, 食完日本嘢, 再黎個 korean 糖水, 真係日韓大混戰, 正.. 好期待...

改變..

近來發覺小朋友有啲改變, 呢個改變對我黎講係好嘅, 至於改變係咩, 簡單啲講, 係唔再好似已前咁唔開心嘅時候, 又唔出聲, 又唔搵我, 咁晚大家因為一啲小誤會, 講完電話, 大家都有啲唔開心, 但我相信大家都無"騮"大家,只係傾得唔開心, 開始無咩想講, 跟住就收線喇, 我收線之後又諗過聽晚唔打比佢, 以示我嘅不滿, 但後來諗清楚自己真係唔應該咁小氣, 同埋真係鐘意一個人, 唔好成日因為小小事而頂咀, 大家唔理大家, 所以後來呢個"大懲罰"計劃都放棄咗.. 點知隔咗無耐就收到小朋友電話, 佢仲問我係唔係唔開心, 其實只係一個小誤會嗜, 我以為佢唔鐘意我買咁多股票, 講比佢聽我啲退休金賺到少少錢, 想佢同我一齊分享吓啲開心, 佢又一句 dut 埋黎, 話我有排都未退休,攞唔到, 搞到我開心嘅 mood 無咗, 佢又以為我吋佢, 問佢無嘢講咁打黎仲咩, 其實我計過我有錢先買果啲股票架, 而家手頭上啲錢都夠結婚, 我有分數, 唔會亂黎架喎, 放心, 我真係希望可以錢搵錢, 總好過一啲理財大計都無, 啲錢會經唔起通漲, 會縮水架, 我而家都仲後悔點解十年前無月供儲錢, 如果唔係, 而家都可能係小富翁, 可以實現我嘅夢想喇... 小朋友, 真的愛你..

鼻塞

呢排唔知係咪飲多咗水嘅關係, 已經無鼻塞. 初頭都擔心自己唔知係咪有病..而家就放心啲, 咁晚係媽媽屋企量咗血壓, 度到141/88, 上壓高咗兩度, 但下壓又正常, 咁即係合唔合格..? 不過返到自己屋企, 夜少少, 坐低再度過, 又只係得 120 到咋喎, 咁我係唔係無事.. 雖然之前睇醫生佢都話我正常, 但都真係有啲擔心, 我份人就係咁, 咩都驚.. 點算好呢..?咁晚係屋企玩我新買嘅 “笨笨神22”直昇機, 又真係幾好玩, 只不過我都係唔多滿意佢條尾, 唔夠定… 今晚返去又再搞吓佢先.. 小朋友, 不如你都試吓玩啦, 幾過心癮架.. 我終於知道我自己嘅興趣係咩喇.. 就係所有飛得嘅嘢我都鐘意嘅, 我要努力儲錢, 夠二十萬就可以飛喇.. 距離越黎越近, 努力, 加油..

小朋友, 呢排天氣好熱呀, 叫你爸爸返工小心啲, 記住飲多啲水, 你睇吓駛唔駛買個大啲嘅水壺比佢啦.. 佢份工真係好辛苦..你要好好報答佢.. 知無..?

一個水壺

我飲飲吓水望見個水壺諗起小朋友, 以前我一日都飲唔到兩柸水, 但自從小朋友買個一公升水壺比我之後, 我而家日日都飲豕公升水, 我叫果個水壺做滅火桶, 因為佢好鬼大 luk.. 不過我啲咁懶嘅人就真係啱曬, 早一支, 晏晝一支, perfect.. 唔會好似以前咁做人乾, 仲有喎, 由上個星期開始, 我日日早餐都係食麥皮, 食食吓又 ok 架喎, 都飽肚, 又可以清吓我啲膽固醇, 幾好.. 識咗小朋友之後, 我嘅生活習慣好似改善咗.. 多謝你提點…呵呵…

又搞飯局..

一心諗住同 B 小姐以後唔再見面, 無啦啦又有個飯局, 因為一個 CSL 嘅 user 搵到好路數, farewell.. 老實講, 同 carrie 小姐 farewell 真係無所謂, 仲應該好高興 tim.. 但又要見到一啲我唔想見到嘅人, 我就唔係咁開心, 仲要係得五個人, 對口對面, 費事一陣間人地又話我搞到佢唔開心啦, 都係覆個 email 比佢話我果個星期可能攞假, 叫佢地自己去算啦, 搵日我再請佢吧啦..

絕對忘記…

終於知道自己當初嘅選擇係無錯嘅, 從事實角度去諗, 佢跟本無可能有 BB… 當初有疑惑係因為我覺得佢唔會講大話.. 但佢做出黎嘅事同態度, 不得不令我去懷疑, 都有去同小朋友相量, 佢都覺得唔妥, 有 BB 會去行山??, 打 badminton??, 話同佢睇醫生又唔駛??.. 都好呀.. 起碼而家我知道邊個係人, 邊個係鬼.. 你咪去週圍可人講我嘅不是囉.. 覺得我錯咪我錯囉, 我慶幸當初無做錯決定, 如果唔係, 而家一定比人飛起咗, 到時又有邊個可憐自己呢..? 我嘅經歷話我知, 做人要好好保護自己.. 尊貴嘅 B 小姐, 希望你將來搵到一個好錫你嘅老公, 由今日記, 我會係我生命裡面, 完完全全咁 delete 你.. 希望永遠都唔會有機會相遇…

咁日收到補習仔媽媽電話, 佢已經派咗成績表, 有六十幾分, 佢媽媽話一般啦.., 但唔知係咪想打圓場, 最後都加咗句 "佢都有啲唔小心", 話遲啲再搵我喎, 無所謂啦, 有得補咪補囉.. 呵呵.. 不過有啲 extra 嘅收入好似開心啲, 同埋買啲自己鐘意嘅嘢嘛...

立志…

一直以為人地對自己唔住, 不斷講大話欺騙自己, 但到最後發現原來自己先係最無人性果個…點解自己可以做得咁無血性, 人地都有阿媽生, 如果第時自己嘅仔女同樣比人咁對待, 又會有咩感受..? 佢講得啱, 而家所有嘢都已經完曬, 我講咩同做咩都已經補償唔到.. 望見佢, 我個心好痛, 原本一個好精靈嘅細路女, 搞到而家咁嘅樣, 我講唔出佢有咩唔同, 只係感覺到, 知道佢過去一年嘅生活係好唔開心, 好苦..對唔住..

佢講得啱, 我呢份人係唔會改嘅, 錯過一次, 又再錯第二次.. 即使當時我同咗佢一齊, 佢最終都會放棄我, 呢個係佢嘅講法, 但我始終覺得佢唔會係啲咁嘅人, 就正如我一直都有懷疑過佢跟本從來都無講大話一樣.. 點都好啦, 一切已成定局, 無得改變, 我希望佢將來可以搵到一個好錫佢嘅老公… 真心嘅, 而我, 我會好好咁同小朋友一齊生活, 唔會再去孤負多一個人.. 其實我又真係唔可以好似小朋友嘅諗法, 當一切都已經過去咗, 可能係我呢一生真係傷害咗好多好多, 總覺得自己會有報應, 真係好驚.. 如果比爸媽知道我嘅往事, 一定激死佢地.. 一個咁無人性嘅人, 去害咗兩條生命, 我將來嘅生活係點, 可想而知…. 灰…

饑饉三十...

咁日無啦啦要饑饉三十, 係人地問題定係自己唔化呢? 好似好多嘢都唔啱自己心水, 我完全唔覺得咁晚需要勒實肚皮, 原本諗住可以開懷大食, 點知出黎嘅結果同我想像嘅差天共地, 係公司受完啲仆街氣, 返到屋企又要比人窒能住曬, 超無癮....

話說阿姐咁日按上頭指示, 同我講啲 one-call 要收返, 同埋將 sponsor 嘅電話填返落去個 address book 到, 我都唔知點解自己咁大反應, 可能係之前已經有個 "人" 同我講過, 我已經勁慶, 心諗, 大把人係咁, 點解只係同我講, 我好蝦啲咩, 而家阿姐再同我講多次, 不過今次有啲唔同, 佢係要我係個 team 到執行, 簡單啲講, 我應該喜怒不形於色, 你叫改咪改咗佢囉, 之後再改番, 你又吹得我漲咩, 有本事你咪日日去 check 吓我有無改番囉, 仆街... 其實, 阿姐, 係我良師, 成件事我都唔係發佢脾氣, 只係將我嘅不滿講出黎, 係佢嘅位, 佢可以做啲咩呢, 正所謂, 佢都要食飯, 養仔女, 唔通為咗你, 同 "窒口仔" 嘈咩, 佢都已經幫到盡, 可以嘅 option 幫我問曬, 係有某啲 "杏 + 橙" stubborn 啫, 係呢到要同佢講句唔該... 希望佢仔仔手術成功, 活活潑潑, 生活得開開心心啦, 老實講, 阿姐教咗我好多嘢, 咁日佢都有教我做人無論遇到咩事 , 都先要冷靜, 唔好咁衝動, 同埋要以身作側, 咁先可以 lead 到個 team, 仲有要成熟啲, 佢又講咗個例子比我聽, 話有個同事, 其實佢係我以前嘅上司, 我一入黎呢到嘅時候, 佢係我而家個 grade, 十年喇, 佢都無升過, 我阿姐話, 佢對個個都好好, 但佢唔識 lead 人, 佢下面啲人, 當佢講嘅說話唔係說話黎嘅.... 其實我覺得呢個世界, 你叻嘅, 咪有人尊重你囉, 唔叻, 你對人幾好都無用啦, 所以漸漸我都變得好假, 即使心裡面好唔鐘意某啲 teammate, 都唔會表現出黎... 仲會笑住對佢地, 世界就係咁.. 唔假嘅話, 人地就覺得你做人唔夠成熟圓滑.. heeheehaha.. 笑裡藏刀...先可以係呢個世界生存嘅.... 講到尾都係要接受現實, 今朝同媽媽飲完茶, 即刻去開咗張新嘅 sim card, 賣 $78 蚊, 但另外送多 $78 bonus value, 一分鍾收 $0.12, 都叫平啦, 啲value可以用半年, 應該用得曬, 電話嘅事又叫告一段落..

講完啲唔開心嘅嘢, 今日為咗要令自己開心啲, 瘋狂購物.. 出咗去 kowloon city, 搵到間森記, 原來正確嘅名係 "森海".. 成間嘢好似只係賣龍蝦同澳洲泥蟹, 不過真係要讚吓佢, 佢嘅蟹無好似人地出面綁住好大條草, 只係好正常咁綁住, 隻蟹 clam.. 仲可以收放自如.. 我都捉住玩咗一陣, 勁... 雖然佢賣嘅價錢貴啲, 灣仔賣七十蚊斤, 佢賣九十蚊, 但勝在佢佢斤兩十足, 名碼實價, 最憎啲人賣嘢奸奸狗狗.. 我攞過去超市磅過, 真係一啲都無昆我, 足足有一斤八兩, 好鬼大, 另外仲有買咗三樣嘢, 去咗間好出名賣四方西瓜叫永富嘅生果鋪, 買咗一磅無核嘅糯米池同埋一盒日本藍莓汁, 之後又去街市買跳螺 (聽阿 so 嘅節目講, 呢隻螺最好食, 好甜), 唔知真家假, 今晚試完話比大家知, 嘩, 賣咗咁多嘢, 加埋都唔駛兩舊水, 都好低喎, 今晚一於開大餐, 發洩吓幾日受嘅氣, 同埋清一清啲唔開心.... 我嘅人生就係咁, 只係舍得食同飛... 做人最緊要開心, 唔係做人黎仲咩呀, 係咪...

後記: 原來 kowloon city 真係好鬼多嘢賣, 有啲好企理嘅海鮮檔, 有賣呢個海黃油蟹, 不過超貴, 三百二十蚊隻喎好似, 唔知係咪我眼花..? 仲有一間專賣和牛嘅鋪頭, 正, 不過因為今日好熱, 仲攞住啲嘢, 所以無慢慢睇, 下次有時間先同小朋友一齊去過..

身同感受

今日睇呢份頭條新聞, 講政府加人工, 另到一班教書先生都可以受惠, 可能好多人都覺得教書其實好簡單, 企係到齋 up 就有錢收, 而且啲細路放暑假嘅時候, 你又一齊放, 不知幾好, 但係我家姐都係教書, 而且只係教小學 tim, 但佢每日都要以淚洗面, 搞到我地成家都好煩, 其實, 講真, 我覺得而家教書真係唔易做, 可能科技同社會都進步咗, 現今嘅細路同年青人都好很 inch, 無咩禮貌, 我有啲感覺係佢地已經唔識咩叫做尊重, 今日我身同感受, 話說今日做 briefing, 有個男仔, 真係一啲面都唔比面, 係咁話我講得唔 effective, 又 challenge 我要講幾耐, 我問佢咁點樣先會令你地感覺好啲, 有啲咩可以改善, 佢一句 dut 埋黎, 呢啲你自己諗啦, 個樣好不肖, 有個女仔又話, 你就咁講, 無好明確咁 list 啲 point 出黎, 我地即使再答過啲問題都可能唔啱你心水, 又錯架喎, 我心諗, 你咩很都唔諗, 除咗捉住你隻手去喂你, 你都唔會識做架啦, 好彩都有一個男仔講, 其實個答案都已經講咗出黎啦, 有咩問題呢..? 老實講, 係我識嘅 teammates 之中, 都只係得一兩個會自己好想去學嘢, 其他啲, 都係返工等收工架啦, 你問我, 我覺得我地條 team, 有三份人嘅人可以炒咗佢 (包括我在內..), 剩番落黎比我果啲, 我都可以保證而家做緊嘅嘢運作正常, 不過, 我都唔會再講啲咩, 又唔係我出糧.., 我教你地咩, 我又無資格同埋無咁嘅心力喇.. 我都自身難保啦… 無謂理咁多嘢, 無人會欣賞嘅, 生命, 只在乎家人同小朋友, 其他人… 可以不理…

諗咗一晚, 又同小朋友傾好, 都總算有一個可行嘅結婚方案, 呵呵, 唔通我祈咗禱, 所以神比咗啲智慧比我..? 老實講, 我諗嘢同計劃嘢真係好唔掂, 希望我有些少智慧去搞呢件大事啦.. 不過今日收到一個唔好嘅消息, 小朋友婆婆終於走咗喇, 佢唔開心, 同埋我地嘅大事都可能有些少波折… 無法啦, 只有順其自然…盡力而為..

又開火喇…

又因為結婚嘅事同小朋友嘈交, 真係從來都無諗過咁複雜, 只係揀日子都要攞曬成屋人嘅出生日期, 仲要出去搵人揀, 可能係無唔識嘢掛, 有無需要咁迷信, 就連小朋友都話係要嘅, 坦白講, 我覺得佢今日好唔好老皮, 講嘢好大聲囉, 我夠好多嘢煩啦, 我間屋又未搞掂, 以前嘅事又驚佢屋企唔歡喜, 仲有我嘅經濟能力, 通通都係得我自己一個人去諗, 小朋友… 兩個人想係埋一齊嘅時候, 唔係應該一齊去好好咁討論架咩, 人人都話我無錢儲, 我嘅生活無娛樂, 啲錢用咗去邊, 我夠擔講, 洗係我自自己身上嘅唔夠五份一, 無錢..係咪真係我問題呢..? 誰人明白我呢..? 總之我覺得小朋友係唔想諗嘢嘅, 一有嘢要佢煩, 佢就唔高興, 但講返轉頭, 小朋友又有無咩困難或者唔開心嘅嘢無講出黎, 所以我唔知, 同無同佢分擔架呢..?

煩, 煩, 煩, 最驚就係到時出黎傾嘢嘅時候, 不歡而散, 到時屋企又係話我咩都無同人講清楚, 最憎就係聽到, “你無同人講清楚, 自己嘅還境架咩, 平時咁大洗, 做咗咁耐嘢, 都儲唔到個錢..” ..怪我…大佬, 我都無經驗架, 想我有幾識呢..? 自私啲講句, 咁 Q 多意見, 後最後咩都唔搞, 兩個住埋就算, 反正一張結婚證書可以代表啲咩呢..? 唉, 發完脾氣, 今晚返去都係上網搵吓料, 費事咩都唔知, 大個仔, 要有擔大, 我唔想比人覺得我好唔成熟同無用…係時候攞啲勇氣出黎, 面對困難.. 加油…

人生大事..

咁晚同小朋友講起我地嘅一生大事, 最後大家都只係得到一個答案, 就係 “唔到我地話事”. 我漸漸發覺呢樣嘢唔係我地想像得咁簡單, 要照顧好多人, 其實我都好矛盾, 你問我, 理想地, 我更係想大搞, 因為見到其他親戚同朋友搞嘅時候都好熱鬧, 好開心, 但到我自己嘅時候, 又好似唔係咁想大搞, 可能我真係無咩親戚朋友, 我有種感覺, 搞呢啲宴會, 黎嘅人都未必真心祝福你, 最怕就係佢地說三道四, 指指點點, 我最驚…不過, 有時我又覺得自己好自私, 無理由, 咩都無就娶咗人地個女架, 我諗每個父母, 都好想自己個女嫁得好好睇睇.. 唔知我係咪有憂累症呢, 無論咩嘢我都驚一餐.. 工作, 結婚, 生仔, 樣樣都驚, 可能小朋友近來都有怨言, 今朝諗咗一輪, 如果真係想大搞嘅, 就搞啦, 因為我都真係好鐘意小朋友, 為咗佢, 我都覺得值得, 以前果個正印都成日問我幾時擺酒, 我都無一個確實嘅答案比到佢, 因為我同佢一齊係因為責任, 佢都有講, 我地只係有感情而唔係愛情, 早兩個月佢都結埋婚喇, 仲搞得好隆重 tim, 我諗佢都叫完成咗自己一個心願喇, 而我黎緊都要為呢樣嘢花好多心機, 小朋友, 每次到我自己有問題要解決嘅時候, 我都搖擺不定, 希望你唔好介意, 同多多包容, 如果呢個世界真係有神, 希望佢會保守我, 因為我真係咩都唔識, 我希望係我有嘅財力同能力之內, 令到人人都開心..

返埋今日又放假, 不過黎緊都係修理日, 唔係屋企要整嘢, 就係自己要去睇醫生, 比人整, 真係黑仔…不過我啲皮膚敏感, 近兩日又好似好咗好多喎, 同埋我睇過 web 上面對黃國安嘅 comment, 都話佢好 “勁同貴”, 不過睇真啲, 佢好似專醫暗瘡架喎, 好似小朋友啱啲, 我係咪應該再 search 吓先呢..?

我係 web 到終於搵到一間係 kowloon city 嘅鋪頭, 有澳洲泥蟹賣喇, 係 kowloon city plaza 附近, 叫 “森記” , 今個 weekend 一定要去行吓, 果到附近仲好似有間叫富記嘅鋪頭, 專賣得意生果, 呵呵.. 整嘢食始終係我最鍾意嘅嘢, 我覺得呢啲叫享受生活, 爸媽唔會明架喇, 佢地定日都覺得我 “無果樣, 整果樣, 無聊”, 我又唔覺喎, 不過, 有邊個傻嘅會認自己係傻架呢, 係咪..

終於有新 post...

好耐都無寫日記喇, 並實要講嘅嘢有好多, 但因為懶惰嘅關係, 所以一日推一日, 原本今日以為要被 audit, 但最後又柬唔中我, 所以我又逃過一劫, 不過今次我都準備充足, 就算真係 audit 我, 我諗都無咩問題掛, 呵呵, 話需如此, 但都係有少少擔心, 你知啦, 我都唔係啲能言善變嘅人, 一陣間講錯嘢就慘喇.. 講起講錯嘢又要提一提小朋友, r唔知佢有無發覺我近來成日講粗口, 其實我係特登架, 我好似覺得佢唔高興, 但又唔夠擔出聲, 可能驚我唔歡喜, 你就係咁架喇, 有咩唔開心又唔講, 呵呵, 好驚你有一日大爆炸, 唔要我, 我咪死…到時我就變成一個孤兒仔, 無人理… 等死..

你知嘛, 我近來好掛住你, 好想你時時係我身邊, 我知道我脾氣唔好, 好難頂, 其實我都唔明點解我好易唔滿意, 唔單只對你, 對屋企人都係一樣, 上次食 suchi, 我地嘈交, 可能你唔知點解我會突然 tum 返你, 果一刻我係到諗, 如果我食完呢餐之後, 就瓜咗, 咁我應該好好珍惜呢餐飯, 果刻, 我咩脾氣都無曬, 可以放低自己去 tum 返你, 我諗如果每個人都只係得返一日命, 咁我地一定唔會再計較咁多, 好好咁去對身邊每一個人, 因為人要離開, 咩都帶唔走… 過去嘅開心, 憤怒都會煙消雲散.. 係咪.. 我覺得我人生已經走咗一半, 應該珍惜眼前人, 係我生命遇到你, 係我嘅幸運.. 真心說話黎架..

最近收到一個唔係咁好嘅消息, 唔知真定假, 我阿姐好似唔 do 喇, 從佢嘅行徑, 應該都係堅嘅, 唉, 我就慘喇, 黎緊唔知跟邊個, 不過係呢到, 除咗阿姐似個人之外, 其他人都係… 心照喇, 唔駛講明…我將來嘅事業會點呢, 好驚呀. 因為我仲要養屋企, 黎緊家姐又失業, 爸媽都要食飯架, 責任就落係我到喇.. 話時話, 爸爸已經 70 喇, 好想陪佢去旅行, 佢上次話想去日本, 唔知暑假有無機會同佢去呢..?

眨吓眼又到咗年中喇, 係時候約小朋友父母出黎見個面, 交待吓我地嘅大事, 但係我又有啲擔心, 大家見面會唔會有紛爭呢, 最驚就係呢啲場面, 到時傾唔啱咁點好.. 我覺得呢啲係兩個人嘅事, 比著我, 咩都唔好搞, 旅行順便 bear 個 B 出黎就最好, 最怕就係要 social, 我呢啲唔識交際嘅, 要我同人講多句都好辛苦..

呢排真係大出血, 好多咩費咩費都同時間到期, 我間古老大屋又要整, 真係陰啲陰啲用曬我啲錢, 我覺得呢我都無咩運氣, 儲唔到錢因為好多時都係有突發嘅事將我死慳死底儲到嘅錢用咗, 我幾時先可以做到百萬富翁, 人地話三十五歲前搵唔到呢一百萬, 就一世都會窮, 點算… ? 我叫人地買嘅股票就升, 自己果啲就跌, 跌, 跌.. 話時話, 如我我幫人地 plan 嘢, 又好似幾好, 但自己又永遠心大心細.. 唔通呢啲就係宿命..?

最後要讚吓小朋友最近嘅快熟宵夜, 真係好掂, 破曬紀錄, 如果次次都係咁就好喇, 果種滿足感真係難以形容.. 正..

突然想念...

我好掛住小朋友, 佢已經放咗工, 而家瞓緊覺, 佢呢兩日啱啱返工, 好多嘢做, 一定好辛苦, 唔知點解今日突然好想見佢, 呵吓佢, 同樣都好想佢係我身邊比啲鼓勵我, 呢幾日我好擔心, 可能因為我老細近來成日話我做嘅嘢係垃圾, 令我好唔開心, 其實寫嘢真係唔係我強項, 可能我係理科, 計數我就叻, 但要我出口成文就真係有難度, 唔知點解, 我有種返返去幾年前嘅感覺, 以前有一段時間我阿姐好唔鐘意我, 日日都黑口黑面, 因為我唔叻, 之後做到佢要我做嘅嘢, 先無比面色我睇, 而家佢嘅又用同樣嘅態度對我, 因為我滿足唔到佢, 做唔到 proposal.. 可以點? 咪努力啲囉, 我相信可以將勤補絕掛.. 聽日小朋友返工, 原本應該我自己一個人去放飛機, 但放工嘅時候開始落大雨, 食食吓飯, 放到 instructor 電話, 一開聲已經話聽日唔得, 要返大陸, 問我打算點, 但我都聽得出佢聽晚唔想返落黎啦, 我咪話咁禮拜日囉, 不過唔知會唔會落雨, 佢即刻好認同, 話係囉, 咁我可以黠答呢? 我都只好順應佢, 話咁今個星期唔去囉, 下星期先囉... 其實唔得咪出聲囉, 駛咩 dull 咁大個圈呢.....

今日聽返個半唐番同事講, 佢咁日同一個同我一齊上普通話班嘅同事食飯, 佢話我由我第一堂唔識講到而家有好大進步咁話, 係咁話我勁, 我都真係一頭霧水, 我自己真係唔多覺, 都唔知佢潤我定係點, 語言同文字都係我嘅死穴, 無咩天份, 呵呵.. 講得最好同最準嘅三個字應該係 "他媽的'... 雖然黎緊有兩日假期, 但都要用公司嘢, 趕埋份 proposal 嘛, 費事又比人大大聲咁吋啦, 好無面架嘛..

今個星期日, 小亮無人同佢玩, 因為小如大出血, 要抖抖, 睇黎都要下星期先至好返再戰, 但計吓計吓, 下星期小亮要戴頭盔先有得玩, 真可憐, 時間果然係好難就, 幾時先可以無拘無束, 出入自如呢..?

註: 此日記寫於二月十八日下午十一時, 於晚上十時零五分完成

黎個滙報...

已經好耐無寫過日記喇, 原因只得一個, 就係自己好懶, 每晚返到屋企都已經好疲倦, 同埋想做吓自己嘢, 所以一日拖一日, 直至咁晚小朋友同我講我已經好耐無寫日記, 我先睇返自己個日記, 原來已經有十四日無寫過嘢喇...

其實要講嘅嘢真係好多, 首先當然要講吓自己嘅大日子, 我嘅生日, 今年竟然有個同事同我講生日快樂, 真係幾 surprise, 我都係無意之中發現枱頭貼咗張日文字條, 雖然我唔識日文, 但見到有個 "誕" 字, 我都大概估到佢講咩, 跟住就問日本仔, 係咪佢寫, 佢都認咗, 但我都係唔明點解佢會知我嘅生日, 照我記得我無係 msn 到講過自己嘅生日日期, 唔通好似小朋友所講, 我放咗係 icq 到, 係都唔定, 但我都無法 confirm, 因為我連自己個 icq# 都已經忘記咗喇...哈哈, 呢樣嘢對小朋友黎講一定係個好消息, 因為佢驚我亂識朋友, 同偷偷地同字母小姐講嘢, 講真, 人地點會仲同我呢啲草根講嘢 ar.. 不過佢生活開心, 我都會祝福佢, 至於我, 都已經收心養性架喇…放心.. 今年收到兩份生日禮物, 都係來自小朋友手嘅, 兩份都係好實用嘅嘢, 由啲禮物, 我可以知道佢係好細心同留意我需要啲咩.. 我好鐘意個 headphone 同 key holder.. 多謝您…講真, 每逢啲咩節咩節同情人生日, 我都好頭痕, 因為要諗買咩, 要買一樣人地啱用嘅嘢其實好難架, 事但買啲嘢又好似浪費同好求其..我唔多鐘意, 但唔買又好似唔好喎.. 真為難.. 今年去咗食自助餐慶祝, 佢標榜係主打蟹, 但除咗有亞拉斯加蟹腳比較似樣啲之外, 其他蟹嘅食品就好一般喇, 蟹細之餘, 啲肉仲要係霉嘅, 離曬譜.. 至於其他食物都叫 ok, 有我鐘意食嘅生蠔同魚生, 我仲自己 “筆” 咗個靚靚嘅雪糕 cone.. 唔似得小朋友咁, 搞到好醜樣.. 等我下次有機會教吓您啦… 係喎, 您記住差我一餐住家生日飯, 又話想整鮑魚我食, 唔好吹水喎.. 我等您, 您黎緊有一年時間去學, 唔駛心急.. 知無..?

第一次同小朋友屋企人返大陸散尾, 一個我從來未去過嘅地方, 我仲以為坐嘅車要同啲一陸人逼, 所以著得好醜樣, 一上地鐵, 見到小朋友同佢媽媽都著得好侍正, 我就知 “賴嘢”.. 佢媽媽打量咗我好耐, 可能覺得我點解去探親都著成咁, 希望佢無唔開心啦, 同埋無失禮佢地, 今次失手, 又比小朋友老點, 下次都係唔信佢.. 搭咗兩個幾鐘車就已經到咗佢鄉下, 中途仲有得比你停低柯 shu shu, 一路上又有 mtv 睇, 服務都算唔錯, 比我想像之中好好多.. 最衰就係去同返, 係車上, 都有啲 pk 嘅大陸人坐附近, 由上車大大聲講嘢講到落車, 無啲文化..頂..
鄉返到鄉下, 首先去咝佢嘅舅父到坐咗一陣, 之後就去隔離幾間屋到探佢患病嘅
婆婆, 但唔知咩習俗, 要左腳踏入去先, 又要將封利士燒咗佢加落啲水到, 自然後攞黎洗面, 仲有喎, 封利士裡面唔係錢, 而係張紙劃咗個月亮, 真係人都癲… 講到最唔習慣嘅, 我諗係食呢一方面, 鹹嘅茶我真係第一次飲, 如果唔加茶, 只係比花生米通我食就好好多喇, 佢地都好好咁招待我地, 煮咗好多好餸, 大部份我都鐘意食, 只係唔慣佢地 share 一碗湯飲, 個個都放隻身匙羹落去.. 搞到我想飲都唔夠膽, 不過佢 auntie 又好似知道我嘅 worries, 好醒目咁同我講個 bowl 仲有湯, 可以去 “筆”, 我當然唔會啦, 如果唔係人地咪知道我介意…呵呵…我返到香港自己煲, 勁好味.. 至於住呢, 就一般啦, 好熱, 又有蚊針, 搞到我瞓唔到, 不過出乎意料之外小朋友半夜偷偷過來探我, 真係咩火都出曬., 呢次真係大突破, 唔通佢知道我發脾氣, 好唔高興..? 原來一個老人家即使九十歲都可以好精靈架喎, 佢爺爺真係超醒, 仲識計數, 好堅, 不過話時話, 吸煙係唔係真係會使人短命架呢, 又好似唔係喎, 大陸人人食煙, 但都無事架喎.. 仲好精神, 所以我覺得, 做人好多嘢都係整定嘅… feel 得到小朋友媽媽好唔開心, 我都明白佢感受, 我都好擔心媽媽嘅健康, 好想佢永遠我係我身邊, 因為佢好錫我地, 我成日都講我一生人最幸福嘅就係有一個完整嘅家庭同開心嘅童年生活, 呢排我都無發媽媽同爸爸脾氣喇, 要對佢地好啲, 只希望家姐生性, 唔好再令爸媽擔心.

今個母親節, 過得好開心, 我同小朋友一早就去影月樓等位飲茶, 好彩喎, 唔駛等位, 啲嘢都幾好食 ar, 不過我覺得媽媽真係唔多識人情細故, 明知小朋友請飲茶, 但不斷話間嘢無人等位, 因為啲嘢好難食, 我真係唔明點解咁多 complain, 應該學吓尊重人, 飲完茶, 我地係尖沙咀行咗一陣, 之後就返屋企大戰四方城, 我衰衰地都有鋪雞糊食, 小朋友就慘啲, 一鋪都無食過, 成為大輸家, 可能係我地平時係電腦玩慣三番起糊同埋唔打花, 小朋友唔慣食雞糊, 呵呵..食完雞糊, 就返去自己屋企食糖水, 一個字 “正”, 呵, 我而家先知真嘢同假嘢係有分別嘅, 所以話呢, 唔好用假嘢呀, 知無..? 晚上去咗好彩食晚飯, 極之唔 ”很” 掂, 明明訂咗位, 但去到都係 等, 等, 等, 原因係有人偏私, 比啲無訂位嘅人入曬去, 結果我地呢啲訂咗位嘅人呆等.. 果個縮頭龜部長, 見啲人係出面起哄, 都扮聽唔到, 唔肯出黎, 我入到去坐低鬧佢, 佢都仲要死撐, 話無人打尖, 結果佢一行出去門口就比成班人狂炳, 底能死…

小朋友嘅漫長假期又完咗喇, 比心機返工喇, 你就好啦, 五月又加人工喇, 好羨慕你…好喇, 又一點, 要瞓覺喇, 如果有咩補充, 聽日先再加啦..

好唔開心...

咩叫做 '愛' 呢..? 呢個問題近來係我係腦不斷出現, 其實近來我好唔開心, 最主要係工作同屋企, 擔心自己黎緊會做咩, 將來會點..? 家姐過多幾個月又會點呢, 搵唔搵到嘢做呢, 自己好想結婚有 BB, 又可唔可以呢, 我有無能力同心機去哉陪佢呢..? 第時我生活唔如意, 我又會點對小朋友呢..? 佢可唔可以包容我呢? 我又會唔會好小事都搵佢出氣呢..? 到時嗌大交..? 感情又出現問題..? 我又再做錯事..? 再傷害多一個人一次..?

我心裡面總係有種驚慌.. 好似有啲嘢壓住個心咁, 好辛苦.. 時時都會驚.. 因為過去, 因為將來, 邊個可以明白我呢..? 好想同人講, 好想有人話我知可以點做.. 因為我真係無咩方向.. 覺得好辛苦好唔公平... 可能小朋友講得啱, 我無咩運氣, 基本上, 我覺得我嘅運氣已去到盡頭, 只會越黎越差, 點解..? 因為我做咗啲對人唔住嘅事, 個天罰我? 連我自己都搞唔清... 但係要我再撰過, 我諗結果都一樣.. 如果有一日, 我真係見到神, 我會問佢, "我人生之中, 有無做錯過事呢, 又或者, 如果你係我, 又會點做呢..?" 覺得自己一路都變緊, 出乎意料之外, 從來無諗過自己會背妻偷歡.. 又無諗過自己會因私慾而令自己一生後悔.. 之後再一腳踏兩船, 結果害人一世.. 係媽媽心目中, 我係一個好乖仔, 佢從來都無諗過我咁壞... 就算連四仔, 佢都覺得我無睇過, 但事實呢, 我有過之而無不及, 係唔係我成日都因為過往嗁經歷, 成日比自己直口去犯錯呢..? 呢啲包括...因為佢成日發脾氣? 因為佢貪錢? 因為佢屈我? 因為佢只顧自己? 因為佢生活華? 因為佢亂識男仔? 令我覺得呢個世界人人如是.. 所以最緊要 "令可我負人, 莫讓人負我?", 於是買保險, 食曬兩個, 結果自食其果..? 每次靜落黎, 自己都會好難過, 好想可以時光倒流.. 但現實係無可能.. 一切都已經太遲... 後悔莫及..

有咩可以令我聰明啲, 人緣好啲, 點解我成日都覺得人地唔鐘意自己架呢, 係我樣夠衰, 口才唔夠好, 諗嘢唔夠快, 做嘢唔夠醒, 身家唔夠厚? 所以無人想同自己做朋友? 啲客又唔信你.. 定係我態度差, 成日得罪人, 搞到同事門討厭自己..? 一個大問號, 點解呢個世界咁樣架..?

我諗人生真係幾慘, 你無得撰黎唔黎呢個世界, 但苦你又一定要受.. 神呀, 你玩咩呀..? 你望見我地, 會唔會偷笑呢..? 有時我真係好懷疑, 邊個做我地呢班人架呢, 同佢嘅目的係咩呢, 只係滿足自己.. ? 宗教呢樣嘢, 好難明...

小朋友, 你知 ma.. 我對你有好大期望... 係咩, 我又講唔出.. 只係覺得人生無常, 希望你會明白我.. 比到支持我... 我前面嘅路一定好難行, 你會陪我嗎..?

一件信物...

已經有幾日無寫日記喇, 因為唔係日日有嘢值得寫嘛....一個平淡而開心嘅 weekend 又咁過咗喇, 小朋友可以陪我兩日, 佢星期五都唔舒服, 好彩星期六無事, 可以開開心心出去行街街, 食雪糕, 最重要嘅係我地買咗一對介子, 一早已經計劃好買隻銀做嘅, 因為遲啲先會正正經經買隻好嘅比佢, 將佢收歸我門下, 為奴為婢, 呵呵... 原本想去啲大嘅金鋪買, 但問咗幾間, 佢地都無買, 可能而家香港經濟真係好咗好多, 佢地都唔再買呢啲 cheap 嘢, 最後小朋友憑記憶, 搵到一間係旺角專賣銀器嘅鋪頭, 價錢真係超平, 買曬兩隻都唔駛兩舊水, 其實我知道小朋友唔想買貴嘢, 最初去啲大金鋪睇, 佢都唔多願意.. 佢就係一個咁簡單嘅人, 呢個都係我地係埋一齊嘅原因..其實一樣嘢, 經過包裝之後, 可以賣高好多價錢, 如果你地得閒, 可以去 sogo 同 taste, 比較吓佢地同街市和其他超市賣嘅嘢, 我個人覺得, 貨都係果啲, 只係包得靚一啲, 個價就差天共地喇, 我自問就唔識某某去果間 links of london 賣嘅嘢又幾特別, 可能啲 design 真係得好多掛.. 只知道呢啲嘢唔啱我... 而家我地帶緊果隻介子都好靚, 媽媽見到仲以為係白金, 仲問, "咁貴而家買白金", 當我話比佢知個價錢, 佢都忍唔住笑咗出黎... 嗯, 睇黎佢地都幾鐘意小朋友.. 好....!!

我地又去咗hagendize食雪糕, 但食食吓先發覺我地蠢咗...我地各自買咗一個球, 比起買一杯兩個球嘅貴好多架喎, 以我地兩杯加埋嘅價錢, 可以買杯三球架喇, 下次要醒啲, 夜晚又同屋企人去咗譚魚頭打邊爐, 都係食啲普通嘢, 但埋單先發覺啲下欄嘢都成舊水, 真係食水幾深.. 跟住去咗豐澤買洗衣機, 終於撰啱喇, 星期二送貨, 媽媽終於唔駛用手洗衫喇... 最後係去咗朗豪坊嘅滿記食糖水, 我嘅 weekend 就係咁過咗喇, 簡單但勁開心, 又可以陪女友, 又可以陪屋企, 夫復何求..?

小朋友, 睇黎你嘅廚藝越黎越好, 而家已經掌握得出神入化, 希望你黎緊繼續努力, 等我 "坐係到等食".. 呵呵.. 小弟又決定玩番遙控直昇機喇, 我隻 50翼手龍已經建做中, 如無意外, 下星期六應該有得玩喇.. yeah.. 好喇十一點三喇, 小弟都已經報告完畢, 係時候 gou gou chu.. 各位觀眾, 晚安...

兩件開心事...

今日收到公司分花紅嘅信, 比我預期之中少, 但屋企人同小朋友都已經覺得好唔錯, 因為無啦啦多咗舊錢, 而且佢地覺得數目都唔算細, 係咪我太貪心呢, 呵呵, 始終同我嘅夢想差好遠, 但之不過我又記得小朋友好似講過如果我有某一個數目, 佢又會出一半支持我架喎, 咁就啱啱好, 此話當真..? 但我又有啲唔明, 你爸媽想你借錢比舅父, 你又唔舍得, 但點解比我攞去玩你又願意呢..? 你講笑定係講真架..? 呢個係我心中一大疑問.. 你琴晚話我唔舍得買衫, 但買玩具又會好舍得, 原因係我覺得自己唔靚, 就算著咩都改變唔到, 所以我令可買嘢食同買玩具玩..不過諗真, 我都唔係好多玩具, 只係大部份都好貴.. 呵呵.. 每樣都差唔多一個 LV 袋, 你真係唔介意..? 不過, 我只係鐘意玩飛機, 至於其他嘢, 例如, "野餐" 就唔啱我, 所以你放心.

終於咁晚都裝好咗個 Microsoft Fligh Simulator X, 仲試玩咗 tim, 但我就覺得平平無奇, 果個場景又扮到懶 pro 咁, 但同真實又差好遠, 你諗吓, 有咩理由個啟德 checker board 都可以無咗架呢, 話時話, 呢個世界真係有強權無公理, 政府係咁叫人買正版, 但又唔諗吓, 花幾舊水買個咁嘅垃圾product 返黎, 係唔係比啲 software vendor 屈先..? 其實我以往都買個幾個正版 software, 隻隻都過千, 如果果隻嘢係正嘅, 我舍得, 但如果樣樣都話要正版, 唔好意思, 我唔會買囉, 好似啲 CD 咁, 一隻裡面, 其實都係只得一兩隻主打係好聽, 其他就唔好聽嘅, 咁我地呢啲消費者有無損失先..
近來都好 heat 話啲大陸人黎香港買到假嘢, 我心諗, 你班仆街, 諸多事實, 你地係大陸又何嘗唔係搵我地啲香港人笨? 我好耐之前上去唱錢都換咗啲假一百蚊啦, 況且我覺得果啲搵人笨嘅鋪頭咪又係你啲大陸同胞落黎香港開嘅, 搵番自己人笨.. 底能死..關我地香港人咩事...? 而家有個錢, 就扮 Q 曬嘢, 講公道.. DELL... 呢個世界人人都為自己, 你睇吓演唱會之父, 明明有錢架啦, 都係唔還比你, 吹咩..? 比人申請破產, 先死死地氣還.. 人就係咁自私架啦, 諗真啲, 如果可以有一個願望, 我希望人人都可以 "己所不慾, 勿施於人", 咁世界就會好好多喇. 不過, 呢個係人嘅社會, 無可能, 所以我地要好好保護自己... 呢啲係我幾十年人生經驗..

今日食飯勁搞笑, 去一間超 up dup 嘅 "大排擋酒家" 食飯, 佢地攞咗兩次啲湯匙黎, 但都痴住啲飯嘅.. 咁我地更係 complain 啦, 哈哈, 個太子女話, "好, 我即刻入去教訓佢地'.. 跟住我地叫咗蝦餃, 有四隻, 咁我又話, 點解得四隻, 我地有五個人喎, 佢笑住咁答, "好..幫你反影吓".. 呢啲伙計都幾得...

生活體驗

同小朋友過完一個三日兩夜嘅生活體驗營, 總括黎講都係開心嘅, 但當中都有不少嘅不愉快事, 今次嘅 camp 令我地大家都發覺完來自己好易發脾氣, 正所謂, 相愛容易相處難, 呢句說話真係無錯, 小朋友真係好小朋友架, 好多時都要人 tum, 不過, 佢就算好唔開心, 都唔會發曬癲, 只係會唔出聲架啫, 呵呵.. "比你知道佢唔開心", 呢個都可以接受嘅, 嗯... 唔好成日講人地嘅唔啱嘅地方, 我自己奇實都唔好得佢好多, 佢已經唔係第一個話我脾氣難頂嘅人, 點解我成日都會發脾氣架呢, 自己都唔知, 總之一有唔順利嘅事, 我就會係咁.. 點好呢..? 唔通更年期..?

係 camp 嘅最後一晚, 我突然同小朋友講好唔舍得佢, 其實係真嘅... 可能年紀越黎越大, 真係好希望有個人係自己身邊...兩個人一起生活總比一個人開心, 呢個可能係神做人嘅原因, 可能果個人係係你身邊, 咩都無做, 但都會有一份安全感, 呢樣嘢, 唔單至女性需要, 男性都係好需要嘅.. 另外一個原因就係佢簡簡單單, 無論思想同生活都係, 佢又會無啦啦比啲驚喜比我, 好似打打吓邊爐, 無啦啦發現有條腸仔.. 佢係一個要求唔高, 同埋唔會浪費嘅人, 而我, 成日都想食啲貴嘢, 絕對係一個未富先驕嘅人, 有佢係我身邊提點我係一件好事, 咁日同屋企人去尖沙咀, 果到有間 suchi 鋪頭炸蝦天婦羅好好食嘅, 我提意請爸爸去食, 但媽媽竟然知道有間咁嘅嘢, 仲話果到一碟要二十幾蚊, 佢又真係知價錢架喎, 之後仲話我地啲普通人家唔駛食咁貴, 食得過咪算囉.. 又講返以前細個, 攞住個 dug 同人要啲咸魚汁撈飯, 所以而家有飯帶返公司食已經好開心... 佢咁講我終於有所領會.. 而家我地嘅生活真係超幸福...

講返呢幾日 camp 嘅節目, 有動有靜, 我地第一次 book 室內嘅場地打羽毛球, 原來佢都識識地打, 不過有時佢又真係幾搞笑, 明知打唔過網, 都 gam chor li ar.. 結果更係唔過啦, 我又教佢殺 ball, 都 ok, 練習多啲應該會有進步, 我地又玩放飛機, 佢好有天份, 隻機都比佢搞到幾定, 呢樣嘢又真係睇唔出喎, 等我下次比隻 flight sim 佢玩吓, 睇佢係咪真係咁堅先, 可能識得佢越耐, 越覺得佢比我想像之中叻, 唔好睇佢傻吓傻吓, 其實佢好多嘢都好有 potential.. 勁..

今個假期, 搞得最多嘅應該係睇食譜同試私房菜, 有中, 西, 日, 非, 真係多資多彩.. 不過可惜, 我只係第一日嘅廚藝比較好, 之後就越黎越差, 真係辛苦咗小朋友, 搞到佢唔可以開懷咁食, 雖然佢好肚餓, 但最後都食唔飽, 我地又第一次一起飲紅酒, 味道就真係麻麻, 不過唔知點解, 飲咗酒佢塊面好紅同埋有一陣好甜嘅香味, 超正, 下次有機會再試吓第二啲, 不如 brandy 加 7-up 再加冰, 唔知好唔好味架呢..? 話時話, 終於係觀塘嘅街市, 難得搵到檔買海鮮比足斤兩嘅... 買完之後去超市磅吓, 真係無少到架喎, 第一次嘅驚人大發現, 以後都幫襯佢, 唔駛諗... 仲有買咗咁多次蟹, 第一次食到啲肉有甜味...連小朋友都食得出, 呵呵...

至於室外連動, 我地去咗塔門, 一個我好耐無去過嘅地方, 係果到搵到一間好家庭 feel 嘅茶餐廳, 一個普通 gas stove, serve 曬幾十人, 超勁, 搞到我地等咗超過半個鍾先食到兩碗出前丁丁... 嘩, 但佢真係真才實料.. 成礶回鍋肉落曬碗丁丁到, 收你二十蚊都有道理嘅.. 食飽飽就上山放風箏, 但可惜放咗一陣就比人界咗落黎, 搞錯.. 話時話, 塔門最多嘅應該唔係人, 而係牛屎. 真係周圍都見到, 又有好多人係到 wild camp, 啲 camp 好 pro.. 我都好想玩, 唔知幾時有機會, 望住滿天星星打野戰, 正.. 咁大個仔都未試過, 有得玩吓就好喇.. 原本想落去石灘釣魚, 但小朋友話危險, 又驚整污臟佢對靚鞋仔, 仲發咗我一陣脾氣, 咁我更係唔夠膽堅持啦, 最後只可以係碼頭喂魚囉.. so poor..

開心嘅時間過得特別快, 一連五日嘅復活節假期咁又完咗喇, 黎緊返工又要受人氣.. 受老闆氣都叫正常, 但受啲細嘅氣, 我就點都唔順架喇, 你話我記仇又好, 小氣又好, 嘅然你地唔比面我嘅, 打比你地永遠唔聽電話, 唔覆嘅, 好呀.. 我都唔會對你地好.... 咪慢慢玩囉.. 睇邊個長命...

終於返來...

已經好多日無係呢個 blog 到打日記, 因為部腦炒咗, 唔知係咪科技進步定係我啲 IT 知識已經 outdate 咗, 部腦一係就比啲 virus 搞亂曬, 一係就係我無 authorize 之下 download 咗啲唔知咩落黎, 真係激氣, 我最擔心嘅就係用佢黎上 e-bank, 啲 data 會比人 grep 咗, 咁就麻煩, 睇黎呢個虛擬世界真係好唔安全..

講返呢幾日, 其實都無咩特別, 都係返工, 放假咁啦, 原來星期四朝早我老細已經答返我, 部腦嘅維修費太貴喇, 決定唔整, 買過部, 四月中應該會有貨到, 到時有新機用, 我同小朋友講開, 佢都覺得我老細對我唔錯, 其實唔只佢一個咁講過, 我知道有某啲同事一路都有微言, 因為佢地覺得次次有親 course, 都係比我去上, 唔多公平, 我自己都唔知點解, 問心, 其實我覺得阿姐以前真係唔多鐘意我, 好少人知我試過係個舊同事面前比佢鬧到無地自容, 想搵窿肙.. 坦白講, 如果我唔走, 我真係會有得升咩, 無咩可能啦, 因為呢件事, 我得罪咗好多人, 到今日我都仲後悔, 不過好多嘢都係啞子食黃連, 有苦自己知... 早兩日攞返 B 小姐之前做過嘅嘢出黎, 叫個死靚仔跟住做, 但好似完全唔係啲 user 想要嘅嘢, 老細叫我打去問吓佢, 我都只係無出聲, 講真人定都走咗, 仲搞人仲咩呀, 況且人地都講明唔想我以後再煩佢, 你話我硬頸又好, 講得好聽啲, 有骨氣又好, 我唔會問佢囉, 佢決定走嘅時候, 已經 foresee 到我今日會有咁嘅困難架啦, 但我知道佢做決定時無將我放係考慮之列... 去定留, 都只係聽佢前男友同好友嘅意見, 當佢話我知, 問完佢地之後, 決定留低, 果刻我都死心喇.. 心諗, 我係你嘅生命裡面, 其實可有可無.. 但呢樣嘢, 我無講佢知.. 係而家佢覺得我係一個衰人, 不俏同我講多句, 咁咪仲好...

呵呵, 差小朋友嘅錢今個月終於還曬喇, 多謝你幫忙, 雪中送炭, 我知道咁日講嘅嘢令到小朋友唔開心, 可能係我以前嘅經歷, 令我好驚, 再次受騙, 人類其實真係好恐怖, 唔知佢地個心諗咩, 反起面上黎可以 hurt 你一生... 怕怕... 講起呢排我嘅煮糖水技術, 好似進步神速, 食到小朋友 lam lam 脷.. 勁犀利, 不過我個人又怪怪, 以前見佢唔鐘意食, 又唔開心, 呢排見佢好鐘意食, 食得快, 咁日又偷偷望吓佢個樣, 見佢好似唔係咁 enjoy , 擔心佢係扮嘢, 其實唔多喜歡食... 真係矛盾... 我個人就係咁.. 成人都懷疑呢樣, 懷疑果樣...

唔知小朋友抽唔抽到海浪公園嘅入場券呢, 抽到就好喇.. 又有得玩.. 屋企人應該會好開心, 因為佢地成日都話想去, 仲有呢個昂平 360 纜車, easter 可以一齊去, yeah..

預告..

今日終於收到整電腦嘅 quotation, 個價係我想像之外, 我最初諗住只係整千幾蚊, 但覆返黎嘅價嚇我一跳, 要換過個 LCD 同埋 keyboard.. 成四千幾蚊,咁嘅價錢, 我更係第一時間射個 mail 比我老細啦, 不過連佢都話唔到事, 要問我地嘅大隊長, 唔知佢嘅決定係點, 不過對我黎講, 整唔整都無所謂, 橫掂我都有另外一部 notebook 用, 只係個 LCD 細啲, 睇嘢唔係咁方便.. 有時攞部機返屋企用, 佢嘅 "問題" 就更加明顯喇.. 呵.. 如果真係唔整, 我會唔會有部新機用呢..? 一個好大嘅白日夢, 不過算啦, 而家用緊呢個都仲應付到我嘅需要, 無所謂.

因為今晚要去打邊爐, 所以早啲寫 blog, 其實我今朝已經打咗一次, 只係我聰明得濟, 攞走咗個 charger, 但舊電又廢廢地, chap 一聲, 部腦無咗電, 就即刻收咗皮, 之後我先記起, 打咗嘅嘢未 save. 但已經太遲, 要從頭打過, 頂... 今晚食飯又改咗地點, 話想去九龍, 因為大部份人都係住九龍, 就算飲到 wing wing 地都可以快啲返屋企, 都有道理嘅, 睇黎我都要同小朋友搞個 cocktail party, 佢飲少少酒就會好 high, 上次係台灣都只係飲咗少少啤酒就已經軟賴賴, 塊面紅 blog blog, 好正.. 今晚食飯果間嘢係太子, 叫做小肥牛火鍋活魚專門店, 唔知有咩正海鮮食呢..? 我最鐘意打邊爐, 啲嘢夠鮮味.. 同埋可以食好多唔同種類嘅嘢..而且, 飯, 晚晚係屋企都有得食, 好悶..有時要試啲新嘢.. 只係講食嘢咋, 小朋友唔好亂諗...咁日有個舊同事 send 咗個 mail 黎, 有佢同個仔仔嘅嘅相, 好鬼 cute... 黎緊會約埋兩個舊同事去探佢, 就得啱時間, 我諗住帶埋小朋友去, 介紹吓佢比啲同事識, 確認吓佢嘅地位, 好唔好..?

啱啱又開完會, 又有新嘢做.. 點解而家做嘅嘢我咁唔喜歡架呢? 可能係以前未做過嘅關係,所有嘢對我黎講都好新.. 真係好驚, 聽見某人話要一星期做兩個presales, 答 7 份 tender, 我真係好擔心, 唔通我以後就係做呢啲嘢, 另外而家一個人要睇幾樣嘢, 跟本唔會理你做唔做得切, 時代越進步, 人享受生活嘅時間越少. 今日食晏嘅時候要上普通話, 叫咗死靚仔幫我晚魚柳包餐, 一攞起包薯條, 發覺好唔對路, 只係得半包, 有無搞錯.. 呢次係我食大薯條最細嘅一包..只係得一半, 死靚仔, 你點做事架...

今日同死靚仔講起新黎嘅中坑, 大家都唔知請佢返黎做咩 Q 嘢, 真係咩嘢都唔識, 要啲 team leder 坐係佢隔離教佢, 好似教 fresh grad 咁, 睇見都汗顏.. 不過睇黎都係想整走我, 搵佢黎 replace 我們.. 唉, 心灰.. 我地 team 其實係有好很多奇人，我行去某個今晚一齊食飯嘅男同事個位到吹水，某某女同事走埋黎話，你地今晚好開心喎，　我知佢講緊今晚我地幾條麻 nut 佬出去 happy...一定係某人放風佢知, 係咁嘅情形, 我都只可以扮曬嘢咁話. 咁你都一齊黎啦.. 心諗.. 男人吹水, 你都唔方便係到啦.. 唔知佢講真定講假, 答我 "唔好嘅, 唔黎喇.." 答案係點, 今晚有分曉..

呵, 經過我咁晚嘅努力, 又搞到點半, 終於搵到咩問題裝唔到張 display card 喇, 原來係裝少咗啲 prerequisite software, 其實上次裝嘅時候,都應該發現呢個問題, 只係解決咗之後無寫低, 今次再做又唔記得, 呢個就係我嘅弱點,成日浪費曬啲時間係啲解決過嘅舊問題到...不過.. 最終都搞掂, 好開心, 仲要 download 埋個 "雙西" 食譜, 小朋友, 你唔駛驚喇, 我已經驗過, 無問題, 你黎緊可以慢慢嘆... 　

開心一吓...

故事篇

禮拜天放假，蚯蚓兒子閒著沒事，就把自己切成兩段，對打羽毛球去；
蚯蚓媽媽看到，就把自己切成四段自個兒打麻將去。
無聊爸爸受到兒子與老婆的啟發刺激，卻把自己剁碎在砧板上奄奄一息了...
蚯蚓媽媽聞訊趕來，驚訝又傷心地說：「老公，你這是幹嘛呀！」
蚯蚓爸爸虛弱地說：「我 .......想 ...想 .. 踢場足球」

有兩個年糕黏在一起, 有一天他們終於分開了 ,
他們高興地說：「 Give me five!」
結果又黏起來了.........

有個人係辦公室成日放響屁，同事忍唔住話：「你可唔可以唔出聲？」
然後就見佢坐係度搖黎搖去打冷震，同事就問：「做乜呀你？」
佢話......................「我較左做震機」


短句篇

巴斯光年殺左條龍之後變左咩？　　　
殺龍巴斯

咩植物識溜冰？
花，因為花式 ( 識) 溜冰

皇后似咩？
似廣場，因為皇后像廣場

去中國唱咩？
" 唱 "人民幣

有一塊火腿同一條腸仔放左落同一隻鑊度，點解佢地唔傾計?
因為佢地未熟

讀完中五讀乜？
讀下午

點解唔可以係船上講笑話？
因為個海聽到會笑，咁就會引起海嘯

食乜野昆蟲會瘦？
蟻，因為食蟻瘦

用身體上邊樣野可以修飾雙手？
答案係毛髮（毛髮可修飾的一對手）

1+1 幾時會 =3？
錯個陣

樹邊部份最得閒？ 葉！因為「葉得閒」

聰明人..

呢個世界都真係唔公平, 有人好醒, 又有人好似我咁, 好蠢...今朝食咗我最鐘意嘅蛋治, 之後斯斯然搭小巴返公司,而家我已經比以前懶惰咗好多, 可能真係睇化咗, 唔講你地唔知, 最初係呢間公司, 我自以為自己係同 grade 之中薪水最高嘅, 一路都覺得自己要比人勤力, 因為工作同薪水係應該成正比嘅, 但後來係一個偶然嘅機會, 我發現原來我咁多個人裡面人工最低嘅, 果刻真係勁灰, 自始之後, 我每日返工都只係三成時間做公司嘢, 其他時間就做另外嘅嘢喇, 分別係打 blod 同埋睇一啲我自己有興趣嘅嘢, 有啲人可能會問, 你最終都升咗職, 點解唔比啲心機, 我自己都唔知, 只係發覺我成世人都比人搵笨,比人屈, 比人掉低.. 上星買蟹, 比人騙重量之餘, 介要計多 10%.. 唉... 三百三十蚊買一隻蟹, 而家諗返都覺得自己好過份..因為自己一個人食, 好有罪惡感 tim.. 不過應該唔會再買喇.. 黎緊會整呢個蟹粥加豉油皇炒麵, 點解有咁嘅結構思, 因為咁日同媽媽去稻香飲茶葉, 係個餐牌到見到, 覺得好正, 所以想試吓整... 不如就星期六啦, 小朋友,你食唔食, 如果唔食, 我星期日自己整, 呵呵..

今日某個女同事朝早又 SL, 從佢個 blog 睇黎, 應該又係感情問題居多, 有時真係有衝動係佢個 blog 到留言,叫佢死心, 依本人愚見, 呢啲男仔, 死十個當五傷啦, 人地跟本唔想同你一齊, 你死 lur 都無用, 不過諗真啲, 事不關己,己不勞心,我同佢又唔係好 friend, 仲有, 某情度上,我覺得佢唔多鐘意我, 咁我又何必諸多事實呢.. 呢段嘢係佢個 blog 到抄出黎嘅.. "當你愛一個人的時候，每一樣東西在你眼中都是最好的，就算是壞脾氣和任性，對你來說都不過是好性，孩子氣，當不愛的時候，優點再沒有被你無限放大，反之是無限縮細，無限放大的只有缺點", 感情就係咁架喇,正所謂, 愛嘅反面就係恨...

今日繼續做我個 presentation 嘅 material, 唔多識玩 powerpoint, 想貼張圖, 都搞咗成半個鐘, 最後, 頂唔順, 問咗另外一個同事, 佢真係好叻, 搞咗唔夠一分鍾就搞掂, 唔怪得老細同啲女同事都咁鍾意佢,有錢, 有樓,有車, 有老婆再加個好得意嘅仔仔, 真係咩都有齊喇喎,羨殺身旁人.. 不過, 我都滿足現狀, 有家人, 有小朋友.. 話說回頭, 呢排小朋友成日都話好掛住我喎, 點解呢, 掛住我個人定係啲糖水呢, 嘩, 我而家先知原來佢對除咗鐘意 "椰汁溝西米"..仲鍾意 "雙西- 西瓜溝西米'..咁日就係係網到搵呢個食譜, 搞到我個機好似中毒, 不停 boot 機, 到而家都未搞掂.. 咁晚去接佢放工，話佢知部機死咗, 佢好似好擔心搵唔返個食譜喎, 好驚呀,佢越黎越大食, 會唔會有一日呢個大廚滿足唔到佢架呢..? 黎緊仲要等個同事借隻 winxp sp2　比我裝過，希望部腦好快起死回生。

滿足現狀...

星期六 (陰)
今日好開心咁同小朋友出街, 好耐都已經無出去行街街, 可能係因為近來星期六日嘅天氣都係好一般, 但困咗係屋企咁耐, 真係要出去抖吓氣, 本來約咗小朋友 11:30 am 係觀塘等, 但出咗門口無耐就收到佢電話, 話要遲啲先到, 無所謂啦, 咁我咪去調頸嶺接佢囉, 佢好少遲到架, 平時我去到地鐵站已經見佢係到架喇, 但今日佢遲咗少少, 見到佢嘅時候, 發現佢成身都係新架喎, 我都幾 likey. 哈哈, 其實我好簡單, 只要唔好著到奇奇怪怪咁我就 ok 架喇, 佢今日嘅斯文打扮, 正... 不過佢始終都係唔適合著啲斯文鞋, 前果幾次都因為著呢類鞋而搞到隻腳仔唔舒服, 見到佢行一步, 停兩步, 我都有唔高興, 其實我都唔係一個好體貼嘅男友, 唔係好懂得理人感受, 又易發脾氣, 有時會諗, 都咁大過人架啦, 點解成日買鞋都唔 arm 身架, 買嘅時候無試清楚架咩... 第時如果有細路仔, 咁你點照顧佢呢, 總之, 係果刻, 我滿腦子都係埋怨啦, 都無咩理過佢唔舒服, 但靜咗一陣諗真, 又唔可以怪佢, 好似我自己咁, 之前買果對鞋, 都買大咗, 唔 arm 啦, 講真, 試果陣, 真係好短時間, 跟本無可能試得好清楚.. 之後我又收拾心情同佢去買過一對鞋啦, 佢最後撰咗一對涼鞋, 粉紅色, 幾靚架, 哈哈, 之前發咗你一陣脾氣, 好啦, 送返對鞋仔比你補數.. 買完鞋之後, 更係去醫肚啦, 我地去咗和花亭食壽司, 最好味嘅就係天婦羅壽司.. 大大隻蝦, 又熱又脆, 正, 講真, 我覺得一個人好有錢都真係為無咩用, 最重要係有親人(小朋友, 我已經當咗你係我嘅親人架喇)係你身邊同你分享, 好似之前我自己買咗隻好大好大嘅蟹返屋企自己食, 都唔係覺得好開心.. 人係呢個世界, 最重要真係有親人囉, 可以同你一齊分享, 錢, 太多真係無咩用, 一句說話可能大家覺得好阿Q, 但我又真係好認同.. "幾有錢, 你都係瞓一張床, 用一個廁所, 食三餐", 無嘅時候, 你想有, 有咗之後又係不外如是... 哈哈, 講完我嘅偉論喇.. 講返餐晏先, 除咗蝦, 我地仲食咗啲 common 嘅嘢, 好似三文魚壽司同埋一啲手卷, 總括黎講, 佢比元氣真係好食好多, 但價錢又唔係貴好多喎, 仲要有個"特別折頭".. 呵呵, 真係第一次, 食飽飽, 就去咗我嘅天堂, toyrus.. 好耐無去喇, 仲見到有人 demo 直昇機, 我都有試玩, 小朋友見到我好鐘意, 就買咗隻比我, 嘩, 我有賺啦, 果隻嘢仲貴過對鞋加埋餐晏.. 多謝你... 我地又去咗睇 bb 用品, 嘩, 原來啲 BB 車, 可以過萬一架喎, 唔通真係勁舒服, 瞓咗會快大啲, 我同小朋友都覺得我地無錢買, 因為真係超 grand... 養個細路真係唔易, 除咗今錢, 仲要心力, 做人父母真偉大, 睇黎我真係要對佢地好啲, 最後我地去咗住好啲.. 哈哈... 我真係記得同你去過架.. 仲記得買咗啲咩 tim....

行完街街, 就去街市買餸, 都係啲簡單嘢, 家常便飯.. 返到屋企, 就更係一路睇戲一路食糖水啦.. 我就食飽飽, 不過小朋友就... 佢話我食曬佢嘅.. 搞到佢唔夠食, 呵.. 呢個故事教訓你, 有得食就好食喇... 唔係, 食曬就無架喇.. 為咗滿足佢, 飯後第一時間再整過比佢食.. 不過可能無之前頭淡湯咁好味, 都係滿足唔到佢.. 真慘.. 望見佢個樣真係幾搞笑...

大家好似發覺我講咁耐都同我個 topic "滿足現狀..." 無咩關係.. 其實, 我今日係好好好開心.. 全心全意咁出街, 食晏, 買嘢, 食糖水... 係一種好 warm 嘅感覺, 如果佢可以陪我到第二朝, 咁就 perfect 喇.. 可惜唔得... 我希望我有一個健康嘅身體, 一份穩定嘅工, 照顧佢.. 甘苦與共同, 神呀, 我搵到一個我愛嘅人, 希望祢會祝福我地.. 仲有, 我最近已經開始諗結婚嘅嘢喇.. 你比啲智慧我, 因為我唔係聰明嘅人, 擔心會搞得唔好, 令到任何人唔開心.....

正一仆街??

今朝一早就攞部手提電腦去整, 上到去發現環境好唔錯,同我舊公司一樣可以望到海, 以前舊機場未搬嘅時候仲可以睇到成條跑道, 得閒望吓啲飛機升降, 都幾開心, 而家都唔錯嘅, 係呢個豪宅區附近, 一啲唔係呢到返工嘅 friend, 都好羨慕我地, 但我就無咩特別感覺, 可能人永遠都係身在福中不知福掛, 講完環境, 講返正題, 話說有兩個 receptionist 係到傾計, 一個好似好激氣咁, 另外一個就係咁安撫佢, 最初我都唔知佢地講緊咩, 只係聽到唔開心果個係咁講, 24 號對我黎講無咩特別架, 我都只係留係屋企, 我以為佢對公司安排唔滿意, 要 ot, 心諗, 而家啲老板係咁架啦, 只怪你自己無本事啫, 但突然我聽到幾句說話令我恍然大悟, 就係呢幾句金句, "人地出面放煙花, 佢都覺得無咩特別, 基本上如果開心, 日日都一樣架啦"...嘩, 一講呢啲就知係投訴男友啦, 哈哈.. 跟住佢坐低咗又繼續講, "佢仲話呢日我更係要陪你架喎, 點去呀, 但個 friend 又生日, 成班 freind 一齊出去玩... 點好呢?... 扮 Q 曬嘢, 正一扑街..".跟住仲要咀 miu miu.. 真係難頂, 唉, 天下女人都係小氣架喇,過時過節唔陪佢地, 死罪...做男人真係慘, 成日都要扮矮仔, 認低威, 不過咁, 我地大人有大量, 做大事,唔同你地計較.. 呵呵..

老細今日又叫咗我埋位, 話上兩個月個 team 嘅 effort 用多咗, 叫我要好似財爺咁睇住盤數, 量入為出, 咁我話, 我地真係要咁多人做嘢架喎, 佢就話, 係時候我教吓你做人嘅道理.. 以前我係科大讀 finance 嘅時候, 個 lecturer 將 finance 比喻為劃畫, 你鍾意係呢到加多啲色就加多啲,邊到少啲, 就劃細力啲, 即係意味住我要睇餸食飯囉, 要醒啲, 比如叫佢放假, 或者將啲嘢 charge 落去公司嘅 overhead, 咁 project 就唔會見到洗大咗喇..總之唔好洗大過 project 嘅budget..諗真, 真係幾難, 又要人做嘢, 又要唔好報, 好似講大話咁... 佢最後仲要加多句, 你而家係 I8, 要諗呢啲嘢架喇.. 死未, 我漸漸開始覺得我真係做緊 management 嘢.. which is 我勁唔鐘意同無天份嘅, 點算...?

唯我獨享...

"不知所謂".. 呢句係小朋友嘅回禮金句.. 我真係想問, 我又有幾唔成熟, 唔負責任, 唔體諒人, 以前唔係咁講架喎, 係覺得我對佢好, 有主見, 可以保護到佢先一齊, 而家一嗌交, 先知道原來有好多唔滿意嘅地方, 我只係覺得你打橫黎講, 我係一個人黎嘅, 又唔係 boardband., 點可以比你 "唯我獨享", 人一定會有家人, 朋友, 自己嘅興趣, 問題係你任何時候, 都要人地放你係第一位, 試問我有幾可因為自己要去玩而掉低你..? 基本上, 我除咗係屋企玩 flightsim 之外, 已經無其他嘢玩, 因為出年要結婚, 原本好想學飛嘅都無學啦.. 咁叫唔成熟... 知你病, 去接你收工, 買嘢比你飲, 咁叫唔體諒你, 你無咗細果個, 我都已經好斬釘折鐵咁無同 B 小姐一齊, 都無再聯絡佢, 咁叫唔負責任, 玩一晚咁多嘅 flightsim 就叫做唔尊重, 一心二用, 仲要發我老皮, 呢個世界咩道理呀...? 我唔覺得今次我有錯喎, 點解次次都要我認低威...

咁晚比人激完, 仲要身體好唔舒服, 唔知係咪報應, 食咗隻大蟹, 成晚都瞓唔到, 好辛苦, 好似成身敏感咁, 又係咁咳, 但又有無人關心我呢..? 睇咗佢個 blog, 又係話我做男友做得幾唔稱職, 勁灰... 講真,我真係唔識做....

今日終於係公司搵到部 spare 嘅 notebook, 聽日可以攞自己部 notebook 去整, 唔知幾時有得攞返, 不過無所謂啦, 反正我都有第二部用住先, 而且聽講 IBM 都好有效率, 應該一兩日之後就有得攞返.. 不過因為過咗保養, 要比錢整, 又要我自己比住先, 之後先 claim 返, 一等又要等幾個月, 痴 Q 線.. 上次 claim 果一舊水的士錢, 等咗幾個月先 claim 到... 人做秘書, 你條老孤婆又做秘書, 問你咩嘢, 你都話話唔知 , 無呀, 咁你有咩用呀, 返屋企食屎啦... 真係見到你都把幾火...

係公司比人玩, 老細又比面色我睇, 自己條女又唔增氣, 老豆又覺得我無用, 身體又唔舒服, 又痕又鼻塞.... 幾十樣嘢加埋搞到我勁唔開心, 想出去搵嘢發洩吓....

無理取鬧...

頂你個肺, 都唔係第一次因為打電話而嗌交, 而家做咩事呢, 晏晝食 lunch 嘅時候已經講咗一次電話, 收工自動自覺又打多次, 上到巴士又傾咗一次, 返到屋企又再傾, 好似驚死我出去搞搞震, 終日都 check 住, 已經去到一個我反感嘅地步, 今晚因為補習仔唔得閒, 所以我藉機會唔返媽媽屋企食飯, 買咗自己最鐘意食嘅蟹, 返屋企自己煮, 一路食一路睇電視, 搞搞吓已經 9:30 pm, 之後諗住飛一轉 flight sim, 因為用正常速度, 所以都飛到過十一點, 都知道佢實會有怨言, 因為無論有無特別嘢都好,晚晚都要講電話, 所以都預早話佢知搞緊嘢, 會過多十五至二十分鐘再打比佢, 收線嘅時候都 feel 到佢唔高興, 之後到我最重要關頭降落嘅時候, 又收到電話, 好唔高興咁問搞緊咩, 咪話佢知要降落, 唔講住, 佢就發老皮, 話唔講, 瞓覺, 我都應承認話一陣間打比佢, 好喇, 玩完 flight sim, 打比佢, 聽得出佢唔開心, 佢都吋吋貢咁話, 一係開心, 一係唔開心, 有啲人搞到佢唔開心, 我真係好唔明, 點解做女友可以做到咁... 係唔能係我日日只係係到講電話, 咩能都唔做, 咁就最好, 都就黎三十架啦, 成熟啲好唔好, 做一個會為男友著想嘅女友啦, 唔好一日只係係到驚佢出去偷食, 三日唔埋兩日, 就因為打電話呢啲無聊嘢唔開心而嘈啦.. 唔該...
原本我今日好地地開開心心, 最後比人搞到無曬 mood, 一肚火, 仆街..

麻煩三八...

今朝撘巴士返工, 一上車坐咗係件豬扖隔離, 係我未坐低之前, 佢已經開始講電話, 內容來來去去都係講兩張唔見咗嘅支票, 驚比人模佢簽名攞錢, 果位銀行職員解釋話只要 void 咗兩張支票,咁就cash 唔到架喇, 人地話要收佢 $120 做手續費, 佢就講, 我地公司同你地關係咁好, 唔駛收咁多啦, 人地更係話唔得啦, 跟住又問人, 你收咗我嘅 $120, 有無收條架, 如果無, 我點知係你自己袋咗定真係銀行收咗呢, 人地咪答佢會寄返張 debit note 比佢囉, 大嬸, 你用吓腦啦, 你每個月都收到月結單, 扣咗你嘅 charges, 一定見到到架啦...之後仲係咁問人幾時會收到張 debit note... 最遲星期六..? 最遲星期六..?... 如是者講咗三次, 之後人地更正話唔係收 $120 只係收$60, 佢又問人點解咁得意嘅, 頭先話 $120 , 而家又改話收 $60, 又問如果唔係兩張, 係三張, 又收幾錢呢..? 真係人都癲...頂, 把死人聲好似佢個人咁大, 好鬼討厭, 講完啲 void 支票嘅嘢, 又問人地呀邊個邊個有無係佢戶口扣錢, 我心諗, 呢啲嘢唔係自己 check 架咩, 問咩 Q 嘢人呀... 諗諗吓, 佢都幾似我公司啲白痴 user, 狗屎垃圾都問一餐, 真係阻住個地球轉.. 哈, 唔講你唔知, 到我落車嘅時候, 果個 C9 都仲攞住個電話, 應該係聽指示, 不斷禁禁禁, , 唔知 check 啲咩 Q 嘢...

今日終於發覺我星期日做嘅 resource plan, 阿姐係無睇嘅, 因為今佢捉咗我同另外一個同事去 brainstorm 啲 resources, 但都無攞過我份 plan 出黎,真係超級 upset, 都唔知咁辛苦捱眼瞓做黎仲咩, 不過跟佢去 brainstorm 都真係學到嘢嘅, 佢嘅思路同諗嘢嘅速度都好值得我去學習, 睇黎個 project 都真係搞得成, 死啦, 由四月開始應該會好忙, 因為我地好大好大機會以 '天價' 接到呢個 project 返黎... 咁到時就會返灣仔, 年中無休.. 聽講 sales team 今日仲約咗個客啲高層出去食午飯, 去 grand hyatt 食西餐, 果然 '西人' 食西嘢, , 埋單要幾千蚊, 好貴喎, 認真 dum 本... 你地就好啦, 做少少嘢, 就可以分一個成千萬 project 嘅 commission.. 保守估計, 比 1% 你地都已經勁和味.. 我地班 devloper 就慘喇, 做足成年, 到出年都唔知有無 bonus.. shit...

不良紀錄..

今日食 lunch 嘅時候, 突然收到小朋友來電, 一開始就好唔高興咁問, 你有無收到我個 sms, 我話有, 跟住佢就話我, 點解唔覆佢個 sms, 我都唔知佢 send 咗個新嘅過黎, 以為佢講緊係之前reply 我果個sms, 我又好理直氣壯咁問佢點解要覆, 之後講咗一陣先知佢 send 咗個新嘅 sms 黎問有關於我早前 post 上blog 嘅約會問題.. 嘩, 你都真係幾敏感架喎, 咁日又好奇怪咁問我係唔係去咗食 sushi.. 我好似有講過我星期三唔駛補習, 唔返媽媽到食飯, 只係無話比佢知去咗 taste 買嘢食, 但其實佢都應該知道我嘅口味, 黎黎去去都係果幾到架啦...

話時話, 諗諗吓, 近來小朋友都幾多問題...

1) 星期五晚唔高興咁打比我, 之後知道我係媽媽屋企食飯先心情好返少少, 然後收線, 但後來先知原來佢唔滿意我無打電話比佢, 我真係唔明, 唔通次次都要打咁 routine..? 我已經晚晚都有打喇喎, 唔敢想像有一日如果唔係每晚都打比佢, 佢會點反應....

2) 星期日問我係唔係去咗食 sushi.. (上文己提到..)

3) 今日打黎問有關約會一事... (上一篇日記己提到..)

總之覺得而家呢一刻, 佢都係唔信我.. 真係好難受, 其實自問我已經好乖架喇, 除咗同佢出街, 真係邊到都無去架喇, 我仲可以點呢, 講得消極啲, 有時真係覺得自己好似個犯人咁, 點解會咁架呢, 唔通真係犯過一次錯就會永遠留低一個不良紀錄嘅..?

其實我真係好相信.. "人在做, 天在看".. 好似以前咁, 我覺得我嘅安排係天依無逢, 一定唔會比人發現去偷食, 但最後咪又係一次意外令到個大話穿煲... 其實我而家都已經明白到講大話係好辛苦嘅, 同一時間去應付兩個人仲大鑊.. 心理上都唔會好受.. 你而家再叫我試多次, 我都真係無興趣... 信唔信都好... 唔想再多解釋..

阿姐阿姐.. 真係叫你做大家姐, 星期五又話份 resource plan 星期一 9:00 am 要, 趕住聽日去開會, 搞到我咁晚做到三點半, 今日你又好似無咗件事, 唔通呢個世界啲老細真係好鐘意嚇吓人嘅...頂...

嘩, 今日係公司發現咗個小秘密, 原來之前唔知邊個 refer 入黎同我同 grade 嘅中坑, 原來好似真係好 senior 架喎, 上星期五跟埋班 vice president 上北京開會喎, 好得人驚... 佢好似上去 sell 我地 support 繄嘅 appliation, 睇黎呢個人真係唔簡單, 要小心小心.. 如果咁講, 佢咪仲高 grade 過我阿姐...呵呵... 有時係到諗, 自己 team 要升一個人, 要好 q 多 outstanding performace 做 support, 但你地啲自己友又可以要幾多入幾多, 仲要咩 grade 都得, 真係 till la ma... 一份工, 我而家都無以前咁緊張, 識多啲就做多啲, 扮傻仔, 啲嘢總有人幫你做...

無心之失??...

話說早兩日與某人有個約會, 但係差唔多個 function 開始之前先收到 call 佢黎唔到, 第一個反應係腦裡面一片空白, 因為最初諗住靠曬佢, 但突然間話黎唔到, 咁我點算好呢..? 比著平時都會陣腳大亂同唔開心, 但今次又無喎, 可能已經對佢地無咩期望.. 另外一個原因, 可能其實之前已經有第六感咁嘅事係會發生嘅.. 只係最終都係發生咗啫... 唉.... 好快我又收拾心情, 從新上路喇.. 最後都順利完成, 好彩...

前晚偷跳無返媽媽屋企食飯, 去咗 taste 買我最鐘意食嘅翡翠螺同埋刺身, 食完之後就玩我嘅至愛, flightsim.. 裝咗個靚靚香港場景, 個機場大樓又細緻咗好多喎, 又多咗啲拖車同小巴係個機場到, .. 勁得... 今次撰國泰真實嘅 flight schedule, 晚上 20:00 由台灣飛返香港, 降落大嘅係 22:45, 嘩.. 熄曬啲房燈, 自然後降落呢個香港國際機場, 望到著咗燈嘅青馬大橋, 同埋條好光嘅機場跑道.. 勁靚, 落到之後去到停機坪仲有啲拖車嘅車頂啲燈閃吓閃吓, 好鬼正.. 今次又 dub 咗個 video.. 不過都係個 filesize 太大, 有成三百幾 meg.. 放唔到上去 youtube 住.. 等遲啲得閒整細佢, 比大家欣賞... yeah... 仲有玩開 flight sim .. 先發覺有好多問題想問... 有一個叫 chilau 嘅後生仔, 啱啱係港龍完成咗個 cadet pilot training.. 佢一路都有細 blog 去分享佢係澳洲 training 嘅所見所聞.. 近來仲加多咗個 technical forum 去解答啲有關 aviation 嘅問題, 呵呵. 我可以去 send 去問吓佢, 不過唔知係我電腦問題定係佢個 forum 嘅 server 有問題, post 唔到新嘅問題噃.... 搵日得閒, 用公司個腦試吓先...

做架兩...

今朝係小巴瞓得好地地.. 好夢正濃嘅時候, 迷迷糊糊咁比把男人聲嘈醒, 佢係咁同個司機講, "係第二期有落呀, 我第一次黎唔識路..". 如是者講咗三次, 但個司機都係無理佢, 只係去到果個男人嘅目的地, 就停低架車, 又唔話比人知到喇, 要落車, 其實個男人都已經超級有禮貌, 問咗佢好多次, 又講到明自己係唔識路, 但佢都無理到, 人地落車嘅時候仲要吋人話人地唔識按鍾架咩.. 我心諗, 你係咪弱智定係聾架, 人地都講咗好多次唔識路啦, 點按鐘, 識嘅就唔駛問你條粉皮, 比你玩啦.. 我都真係好唔明, andy lau 日日都係電視到講, 叫你地班服務性行業嘅人有禮貌啲, 但都係都無咩改善.. 係呢到真係要同呢個哥仔講句, "今時今日咁嘅服務態度唔夠架.." 應該係點... "先生, 前面過少少就係第二期喇, 到咗我嗌你落車啦.." 本來好抱不平嘅我, 落車嘅時候想吋 Q 佢, 不過諗諗下, 做人都係唔好強出頭.. 蝕底嘅會係自己.. 係咪..?

今日返到公司, 又發覺有同事要請病假, 睇黎呢排啲細菌真係好勁喎, 日日都有人病.. 係街都見到好多人咳..好驚 SARS 再現. 到時又要做蒙面超人, 家陣唔同以前, 我見得光, 唔駛帶 mask 出街架喎..唔知點解呢排總係覺得遲啲香港會有好嚴重嘅流感, 個股市會 bla bla 聲咁跌.. 唔通呢啲叫第六感..? 希望我嘅感覺係錯架啦..

今日又上普通話, 我都仲係傻吓傻吓咁唔多識講, 睇黎我地嘅家族都係無咩語言天份, 家姐讀咗幾次都係唔合格, 而原本滿有信心嘅我, 而家都無曬信心, 總之唔好咁貪心, 撰個初級班算啦, 而家都唔知點收科.. 聽講話唔合格要自己比錢, 死火...不過我又真係覺得教 "煲冬瓜" 幾好搵, 我地個 miss 只係坐係到講兩嘢就有錢收, 幾鬼舒服...

雖然今日都仲係有少少咳, 但都係忍唔住要食 macdonald. 因為好似就算我唔食熱氣嘢, 都無咩進展, 所以一於以毒玫毒.. 可能負負得正呢... 哈哈.. 不過係放工之後我已經無流鼻水, 好似好番好多, 只係喉嚨有少少痰.. 希望快啲好番啦.. 唔想成日都病.. 好慘...

無咗 vee vee 聲...

今日又再去睇醫生, 因為啲感冒仲未清曬, 呵呵, 醫生話今次我個肺無 vee vee 聲,好靚仔, 但係個喉嚨仲係好腫, 一邊鼻都仲係好紅, 佢話要開啲再勁啲嘅 antibiotics 比我, 又叫我好番之後去打呢個流感針, 因為我好似好易犯呢啲小人, 原本想叫佢再幫我量吓血壓, 但後來都無, 因為好驚再度都係高,我呢啲係咪叫做斬腳趾避沙蟲呢... 人就係咁架啦, 永遠唔想知道壞消息嘅..

小朋友呀, 幾時先會收到你嘅好消息呢..? 你日日都話就得, 但係都係得個講字, 唔好點我喎, 正所謂, 我金錢上, 心理上, 生理上, 都未做好準則架喎.. 我呢排心血少, 你唔好再嚇我, 如果唔係, 我實瓜得, 知無..?

今日終於打完其中一份 training material, 仲有好多份要打, 阿姐已經好唔耐煩咁問幾時先做完, 嘩, 又要打, 又要做 test case, 你估我真係超人咩, 話變出黎就變出黎咩, 我已經好勤力架喇, 比啲時間我啦, 佢今日又比咗樣新嘢我, 做咩 resource planning, 聽落都已經 hour 曬頭, 我從來都未做過, 而且 planning 係我最弱嘅一環, 死未, 仲要今個星期尾交, 點算, 升咗職之後, 啲嘢好似全部唔識做, 點算好, 慘喇, 就黎比人炒魷魚... 仲要無啦啦有兩個 fresh graduate 要 interview.. 之後要填返啲 form.. 呢樣先至係我最憎嘅, 以前去比人 interview 嘅時候, 覺得啲 manager interview 人好鬼過癮, 而家自己去 interview 人先發覺好鬼麻煩, 又要問佢地嘢,又要聽佢答, 遇到啲靚仔/女 fresh grad.. 就更係好啦, 遇到啲無厘頭嘅, 都要應酬佢地, 雖然好想一腳伸佢地出門口, 但又唔可以, 仲要係咁易都要講一陣間, 最慘係遇到啲好唔醒目, 明知自己 in 得差, 無機會嘅, 問佢仲有無問題, 佢地仲要懶有求知慾咁, 係咁問....頂... 今日 in 果個猛咁吹話自己幾想入黎我地間公司, 我地又大又有前途, 我心諗我地間公司都唔知害死咗幾多股民啦, 仲有六年都無加過人工喇喎, 比起果啲年年都坐定粒六有 point 跳, 有人工加嘅政府工, 我地真係, 慘, 慘, 慘.... 後生仔, 你吹都吹得唔好咁大啦, 可惜我今日無咩心情同你玩, 如果係平時我真係會問你.. "你點解覺得我地間公司好有前途呢, 我地嘅股價由五合一前嘅二十幾蚊跌到而家五蚊唔夠..." 不過.. 有個同事講過我地公司有三大優點, 我就好同意...

1. 人夠多, 邊到要人, 即刻可以派對軍隊落去.
2. 蝕得起, 你聽過請個賓賓做嘢, 佢會掉返轉頭比錢你洗未呢... ?
3. 都係最重要嘅一個 point.. 就係我地蝕極都唔會執...佩服...佩服...

慘啦, 今個禮拜又可能去唔到補習喇, 再係咁落去, 真係遲早比人 out.. 今次又係拜啲"未來好同事"所賜... 點解係要撰 after office hour 黎 interview, 仲要特登出去"老銅"見佢地.. 真係未見過有公司咁 cheap.. 好心啦, 有心搵工嘅, 落少少本, 攞番日假啦, 如果我話得事嘅, 呢啲咁嘅 pk 一定無得 in... 不過阿姐話齋, 我地又比唔起錢, 又要請啲有經驗, 真係好難架喇.. 我覺得我地做唔成 IT solution 公司, 都可以做補習社, 因為年中都 train 咗唔少人, 仲要唔駛 undertake, 係咁比人地去上 course.. 犀利....

今日返到公司又check 吓我個 flight report 驗證咗未, 終於成功喇,呢次簡直就係我係模擬航空界踏出嘅一大步, 跟住落黎首先要由台灣飛返香港, 之後再飛一次日本, 咁就可以開始玩另外一架 pro 啲嘅 747 喇.. 話時話如果玩過好玩, 真係要買番個正版, 尊重知識版權嘛, 係咪.. 我都有啲 "公德心" 架....

講開 "公德心", 小朋友之前話估唔到我係一個咁無公德心嘅人, 掉嘢落街, 話時話, 我都只係掉廁紙啫, 有咩咁大件事, 我有交管理費架喎, 佢地掃地都應該啦, 唔係我, 佢地無工開 tim 啦.. 應該多謝我, 呵呵.. 呢件事令我諗起細個有一次落雨嘅時候, 我請下面啲街坊 "飲熱生啤" 點知比樓下個死八婆見到, 仲向我老豆投訴, 搞到我無得去游水之餘, 仲要比佢打鑊金... 我呢世都記得佢....呢個世界真係好多無聊人, 鐘意玩投訴, 係要搞到人地啲仔女比人鬧先至開心嘅... 呢啲就係食鉋無憂米嘅 C9....

一日三餐...

每個人嘅生活方式同習慣都唔同, 有啲人鐘意正正常常, 一日食三餐, 分早午晚, 有啲人就好似我咁, 早午餐一齊食, 早午餐, 因為肚餓, 所以食得快啲, 至於晚餐, 因為之前已經食飽咗, 所以就可以食慢少少, 但咁又唔可以代表唔需要食喎...但小朋友因為我想食完再食, 又依得慢而唔高興, 我都唔明, 你以前食得慢, 我都無 complain 啦, 但而家到我, 你又唔高興... 仲有喎, 呢排我病, 係咁上下啦.. 都唔知投訴啲咩... 頂...

講完唔開心嘅嘢.. 又無事喇.. 你問我點解咁快又可以無事, 我都唔知點答你, 總之而家嘅我, 只係想開開心心, 無謂為啲芝麻綠豆嘅事而影響感情.. 家和萬事興, 家衰口不停, 係咪...? 嘅然你想我改吓我嘅生活習慣, 我咪又改吓囉, its not a big deal...

大快活嘅炸雞脾, 只係一般啫, 咸咗少少, 只於杯紅豆冰, 就 ok 啦.. 一個簡單嘅茶餐, 都食得好開心, 咁日又整咗我最拿手嘅蒜容豆豉蒸石班, 幾好味, 可惜有少少唔熟, 要番蒸, 有少許失敗... 話時話, 咁日好似係新年之後第一次開爐, 小朋友我有無記錯呀...?

係 user 嘅口中, 知道舊情人會同尊貴嘅客戶去日本, 記得以前佢成日都話要去旅行, 但因為種種原因, 我都無同佢去到, 希望佢今次玩得開開心心啦, 至於我可以做嘅, 就係盡量去 coordinate 我嘅 staff 幫尊貴嘅客戶去完成手頭上嘅工作, 等佢唔駛比老細 band 放假, 影響原來嘅行程... 係啲到, 我要特別多謝六月小姐, 係病嘅時候, 仲要幫我做嘢, 真係辛苦你, 希望你係不久嘅將來見到回報, 話時話, 我都幾好彩, 有啲幫到自己嘅 staff, 係而家呢間公司唯一嘅好處, 就係同事之間相處好開心囉, 呢個都係其中一個我繼續留低嘅原因... 至於死靚仔, 呢排都乖咗好多喇, 比心機啦, 我都想你有一日升職請我食飯...

原來我最近睇漏咗小朋友之前一篇日記喎, 咁晚先睇到... 篇嘢都幾重要架喎, 佢 "投訴" 我係屋企大覺瞓, 要佢自己係寒風中孤單回家... 真係唔好意思喎.. 呵呵, 又係你自己話我婆婆媽媽, 唔駛送嘅, 原來口不對心... 明白了, 下次識點做喇...

電子聽筒..

己經有好幾日無寫日記喇, 小朋友話我只係三分鐘熱度, 實際都唔係呀, 只係我早幾日真係病得好辛苦, 直至今日都仲流緊鼻涕, 但好奇怪架喎, 瞓緊覺就無事, 好地地, 一起身就唔舒服, 點解呀, 我從來都未試過病咁耐架喎, 唔通後天免疫力失衡..?? 話時話, 都睇咗三個公司 panel 醫生, 但真係一啲起色都無, 正所謂, panel 睇你唔死, 都病你一世, 以下係其中一個 panel 醫生睇我嘅過程...

D: 今日仲咩事
P: 咳到 nut 肺, 已經睇第三個醫生..
D: la 高件衫... 唔過三秒, 基本上個聽筒都未掂到個身... 已經聽完...
D: ma 大口.. 支雪條棍都未掂到脷面... 又搞掂....
D: 啲痰咩色...
P: 之前綠色, 食完 antibiotics, 而家無色... 一路答佢, 一路 yau 褲...
D: 簽名.. 等得唔耐煩.. 再叫, 簽名...
P: 簽完個名.....
D: 得架喻...
P:.... 好懷疑, 佢係心諗, 簽完個名, 有錢收, 所以得呢, 定係睇完我, 知我應該無咩大問題, 所以話得呢...., 到呢一刻, 都無話我知我係咩事, 天呀....

所以話呢, 啲保險經紀成日話買份醫療保險, 有事可以睇醫生, 我就真係唔多信... 呢個世界邊有免費午餐架... 係香港要搵一個可靠嘅醫生真係好難.. 我到而家都未搵到....

終於要自己攞錢出黎睇私家醫生... 佢都 ok, 問得好詳細, 不過量到血壓好似有少少高, 雖然佢話度一次係唔可以作準, 要過多幾日再度, 度三次, 如果三次都高, 先再 follow up... 但都真係好驚.. 血壓高即係意味住我嘅飛行夢想會完結... 好 down... 希望唔好有事.... 我真係受唔住架.... 不過今日睇醫生先知原來而家已經有電子聽筒, 醫生話好好用, 可以將啲聲放大十陪, 唔通聽得清楚啲, 所以佢聽到我個肺有少少 vee vee 聲.. 不過佢話好 minor.. 可能係今次感冒, 所以咁樣, 我又唔食煙, 應該無暗病, 唔駛驚....

前妻今朝又打黎, 唔知點解, 而家聽到佢電話, 覺得好困擾... 次次打黎都係搵人聽佢"抱不平", 今次又因為租屋嘅問題同人嘈, 打黎只係想我話佢啱... 我只係講咗句, "咁即係輸打贏要啫".. 咁就激怒咗佢, 佢回番句, "咁又係, 可能你大方, 大把錢, 唔志在... 我唔係架, 我無錢, 好啦, 無嘢喇, 唔講喇, bye bye'... 嘩...終於收線, 幾鬼開心... 唉, 妳都結咗婚啦, 有咩應該搵妳老公講, 搵我做咩呢, 我叫妳搞嘅嘢, 妳又無件事, 成日都拖住我, 究竟想點呢...? 都係老豆講得啱, 無咩就唔好同佢講咁多喇.. 話曬人地都係有夫之婦, 小心啲好...

咳到 nut 肺...

人地話, 財多先身子弱...但點解我呢排咁鬼窮, 身子都咁差架呢, 由上個星期咳到而家, 情況越黎越嚴重, 黎咗兩個醫生, 都未見有咩起色, 今日仲好似嚴重咗, 一起身就覺得好 dizzy.. 唔通感冒菌已經上咗腦..? 真係好驚... 因為感冒, 已經有幾日無寫blog, 今日要 update 吓佢先得...

我終於成功降落呢個台北桃榞機場, 仲錄咗條片 tim, 遲啲就可以放上黎個 blog 到比大家欣賞, flight sim 呢個 hobbies 又真係幾好, 唔駛洗錢之餘, 又可以學到嘢, 啱曬我呢啲財政緊絀嘅人.. 話時話, 我都花咗好多時間先成功降落到, 仲冷落咗朋友仔一陣間, 又要佢幫我拖地打掃, 真係唔好意思... 錫返您先...

今日, "又要做狗, 又要做馬"... 差啲頂唔順, 不過, 最緊要係小朋友開心, 我都樂此不疲... 最勁係我地破咗紀錄, 將唔可能變成有可能嘛, 我都不得不讚吓我自己同佢.. 勁勁勁...

666 大家就知係凶兆, 唔好意頭, 咁大家又估唔估到, 777 又係咩呢? 哈哈, 就係今日股市嘅跌幅, 朋友仔問我仲咩跌咁多都仲咁開心, 唔似我嗁性格, 佢話平時嘅我, 應該已經大發脾氣架喎, 點解今次咁冷靜? 我都唔知喎, 可能傷心過度掛, 哈哈... 既然人人都係咁講話個股市好高, 想佢跌吓, 咁而家佢終於都跌喇, 咁咪應該拍手掌囉.. 正如我一返到屋企, 已經即刻比老豆吋啦, 話早排我係咁叫買中銀, 今日跌破 $18 蚊喇, 我跟住更係吋返佢啦, "點呀, 跌到落 $18 蚊, 你買呀..?" 佢即刻無聲出啦.. 事實嘛, 佢地呢啲, 正所謂, 高又驚佢跌番落黎, 低又驚佢再跌, 永遠都唔會買嘅...

股市起落, 正常啦, 我又唔係要賣, 咪放埋佢囉, 總會升番嘅, 我諗我買嘅都唔無垃圾股掛, 係咪...? 況且, 大把人損失慘重過我啦, 哈哈, 唔知有無傻仔 $28 買人壽呢, 如果有, 就要講句 "congratulations" 喇, 哈哈...

聯歡晚會..

一年一度嘅公司春茗又係呢個會展舉行, 我上年無去到, 確實嘅原因唔記得, 大概係唔滿意要比錢啦, 今年又再搞, 都無直口唔去啦, 話時話有咩理由春茗要員工比錢架? 不過, 學老豆話時齋, 公司搞嘅小圈子 function, 都一定要比面嘅, 就當比一舊水做善事囉.. 今次就由四方面去形容吓呢個 function 啦...

場地: 座落係灣仔會展, 正係聽個名都已經知道好嘢啦, 可惜, 我地 team 座走廊, 只可以靠大銀幕睇會場裡面嘅情況..張枱附近嘅燈光好鬼暗, 唔知有無食咗小強....

食物: 點講好呢, 應該係咁多次去食酒席, 最少味餸嘅一次, 總共有六個餸, 有味 "鮑魚汁會黑豆皮雞", 味道怪怪, 應該叫做怪味雞, 啲魚翅, 勁, 用我從來無見過酒席會用嘅"超,超,超大碗"去哉, 勁搞笑, 我覺得同 "老銅" 嘅差唔多.. 好有水準, 嘩, 死啦, 我要節儉啲先得, 原來我平時屋企寫得勁豪...冬至果餐仲好餸過今次.. 一舊水, 自己食 suchi 唔知會唔會飽過今次呢...?

表演: 嘩, 嘩, 嘩.. 呢個真係唔係講笑, 我地請咗熱爆全城嘅陳x靈黎勁歌熱舞, 係我果個年代佢簡直瘋魔萬千歌迷, 佢又跳又唱, 非常落力, 最犀利係果首 "今晚夜"

* 同聚暢飲今晚夜　莫理今宵星稀月也斜尋樂趁萬花嬌俏　
知否明天一過花不會謝同樂碰杯今晚夜　
就趁美酒芬芳香四射能盡興就開心笑　
知否明天一到花亦會謝緣份到展開歡顏　
省得過後怨嗟　謀共醉拋開心事快樂能借得且去賒　
同渡這一晚夜　願你此刻珍惜今晚夜陪伴你讓心花放　
知否明天一到花亦會謝喜*

Repeat *我願同PxxW 過每一個日與夜
^^^^^^^^^^^^^^^^^^^^^^^^^^ 呢句真係正到爆....好頂癮... 最後連啲高層都企埋上凳到同佢一齊跳... 幾好氣氛....

最精彩嘅一幕當然係老霍幫陳x靈除衫啦, 睇到我熱辣辣... 陳小姐仲話霍幫主好熟手.. 犀利過好多後生仔.. 真係不愧貴為我地老大..

抽獎.. 三千幾人, 有五十五份獎品, 計落都真係"好很多", 我呢啲就一定無份啦, 不過抽到都未必一定係好嘢... 有一份獎品係, 'American Express coin bag and name card holder'.. 真係玩嘢, 呢啲都算係獎品, 我是但攞張 credit card 嘅迎新禮品都好過佢啦, 仆街... 不過, 我都抽到自己果枱至大嘅 table price.. 係聖安娜嘅精美 cookie.. 都幾好咁啦...

總括黎講.. 可以用周中師傅形容啲餸相似嘅語調 "好過飲滾水咁啦" 咁, .. 黎形容呢個 function, "好過閒在家中無女溝咁啦"...

財爺派糖..

今日財爺公佈財政預算案, 政府今年有 ~500 億盈餘, 都算是唔錯, 有幾樣措施仲係對我非常有利嘅, 第一, 200萬以下嘅樓嘅買賣印花稅調低至定額100元. 第二, 進修嘅免稅額由2萬元加至每年6萬元, 第三, 都係我最開心聽到嘅, 就係退返一半嘅稅款, 有成 $15000 喎, 真係幾好, 最後一樣就係, 免收兩季差餉. 睇黎香港今年真係幾好咁喎, 希望人人有工做, 身體健康最重要..

個股市跌, 跌, 跌... 一早就收到阿媽電話, 話美國跌咗 400 點, 好驚股災, 係咁話耍放咗啲股票, 我又好惡咁鬧佢, 驚, 驚, 驚, 咩都話驚, 驚就放曬佢啦, 跟住 cut 佢線, 我知佢好唔開心, 但我又真係忍唔住到氣, 鬧咗佢, 眼睇見佢本來好多隻股票都可以搵好多錢, 但升咗少少, 又或者跌咗少少, 就放曬, 倒頭來, 搵少好多, 佢因為省錢, 日日帶飯, 都係省果少少, 但買到好 嘅股票, 又唔會長揸.. 咩都驚... 我覺得我嘅缺點都係佢地 inherit 比我嘅.. 之後, 唔忍心, 打返比佢, 叫佢由啲股票放係到, 唔好咁擔心, 因為我覺得呢次係正常調整.. 唔駛太擔心... 睇吓我隻瑞安就知啦, 賤價放, 而家升返曬, 只係幾個星期嘅事.

死靚仔, 見我唔舒服, 主動幫我搵係香港仔同海恰嘅醫生, 仲有埋中原地圖, perfect, 同佢做朋友, 都真係唔錯, 可惜佢又 under 我, 我係無得選擇要對佢有要求嘅, 商業社會, 無法, 希望佢比啲心機, 而自己都要好脾氣啲, 盡量教佢, 佢都應該係一個可做之才..希望佢嘅工作熱誠一路咁 keep 住啦...

阿姐今日叫我簽 pdr, 之前又話唔駛做, 今日都無 go through 過就叫我簽喇, 因為升咗職嘅關係,只係做兩個月, 但就只係 MR1, 唔知會唔會影響今年嘅 bonus.. 話時話, 好大期望架, 直接影響我繄呢幾個月嘅情緒..

今日收咗新 order, 要做一個好大好趕嘅 project, 之前擔心無嘢做, 而家又驚會好 busy, 真係盾... 但我始終覺得 user 同我唔係太 friend, 而且呢個 project 之前係另外一個同事跟開, 而佢又好user 寛心, 但 user 就好似唔係好 like 我, 咁我嘅 role 係咩呢..?

但阿姐有理無埋都 assign 咗一堆嘢比我, 三月中要搞好, oh my god...

模擬飛行...

按照完定計劃, 咁晚終於 kick off 我嘅香港-台北之旅, 大約飛咗三次, 但去後最後都未能成功降落呢個台北機場, 但每一次再試, 都比前一次好, 去到最後果次, 原本可以順利降落, 但因為手忙腳亂嘅關係, 忘記按某些鍵, 最終只可以係呢個台北機場上空飛過, 本來想再試多次, 但望吓個鐘, 都已經 12:00 a.m. , 係時候收手, 如果唔係又玩到兩三點, 傷身...

我真係發覺今年運氣極差, 我現代表我果 team 去抽呢個 spring dinner 嘅 table, 抽到坐偏廳, 遠到連個 stage 都望唔到, 正確黎講, 應該係唔屬於呢個正常會場嘅範圍, 對唔住呀, teammate, 要你地坐到老遠, 而家唯有希望你地啲飛抽到獎啦...

玩得太過投入, 都唔知小朋友 send 咗個 sms 黎, 只可以係瞓之前先覆佢, 真係唔好意思...

感冒...

小朋友今日真的病倒了, 咳得比之前厲害, 睇見佢咁, 真係心痛, 原本諗住一食完飯就返屋企玩我嘅 flightsim, 但都係唔忍心, 去接佢放工, 佢挨住我瞓咗一陣, 唔知有無好啲, 一早叫佢睇醫生, 但佢又唔聽, 點解佢咁抗拒睇醫生, 真係男女醫生都唔肯架噃.. 無辨法啦, 因為有買咗樽感冒茶比佢, 希望佢飲完快啲好番啦, 小朋友, 沖完涼, 飲咗藥, 好快啲瞓, 唔好 online 喇, 知無..?

雖然會有一段時間無得揸飛機, 但無所謂啦, 我玩住 flight sim 先囉, 係 flight sim 嘅世界到, 都有好多嘢要學, 而且係 operation procedure 上, 同真嘅其實差唔多, 都可以算得上係一個有益身心嘅玩意, 何況我最近終於攞返 cpa virtual 一個好靚仔嘅 id, 呢個簡直係我嘅 dream id, 因為佢同我係香港飛行總會嘅 number 係一樣嘅, 大家都係 183.. CX183 同 L183, 非常好.. 要好好 keep 全佢, 但一定要係一個星期內係呢個模擬飛行世界飛一次, 如果唔係個 account 就會取消架喇, 我已經好努力咁去睇 material, 一定要 meet 到 deadline, 路線都已經諗好, 香港往台北... 航程大約個半鐘, 幾好...

一張紙條..

今日心情唔多好, 我自己都唔知點解, 可能受早兩日嘅飯局事件影響掛, 一路都謹謹於懷, 係個心到谷住谷住, 加上見到小朋友不斷咁咳, 又唔去睇醫生, 係 karaoke 又唱唔到歌, 原本每次去 karaoke 都好開心嘅, 但今次只得我一個人唱.. 而我又唔識唱.. 搞到氣氛好淨.. 以上嘅原因就可能係我發咗一次好大脾氣嘅原因, 其實, 我嘅性格都幾難頂架, 都好無理取鬧... 小朋友都唔敢惹我, 嘖係唔出聲, 但原來侉寫咗張紙條放咗係枱, 然後去咗瞓覺, 我起初都唔唔知, 以因為佢又發脾氣, 唔出聲, 走咗入房.. 直至佢出黎,, 我先發覺佢寫咗張紙條比我, tum 返我.. 可惜, 我後來又再發脾氣.. 床但最後都係 "床頭打交, 床尾和'.. 呵呵.. 佢最後都要 "求"我.. 可惜.. 唉.. 真係, 有得睇, 無得食... 善哉... 善哉...

今日係我第一次煮呢個"紅豆綠豆沙糖水".. 點解廚神從來都無整過? 因為真係對住家糖水無咩興趣, 可能係童年陰影.. 細個媽媽整嘅糖水實在太甜, 次次食親都好似受難咁.. 仲要食唔曬比人鬧... 所以由細到大都對糖水無咩好感....直至出黎做嘢, 有機會試街外嘅糖水.. 先發覺原來好食好多, 更加肯定自己嘅味覺係正常嘅....

不過今次我煮咗大約五人份量, 有排食...

突如期來的假期...

小朋友今日突然之間 call 放假, 真係好, 佢一早黎到我屋企等爸媽同家姐上黎拜年, 之前仲一齊做運動, 可惜時間太少, 未能完成, 佢地黎到坐咗一陣, 決定去呢個黃珍珍食晚飯, 但媽媽發覺無皮帶 coupon, 於是就要返藍田攞喇, 我都擔心小朋友會唔鐘意, 但佢有無喎, 可能我之前嘅陰影, 好多時都驚佢唔想同我屋企一齊, 返到去, 都係食, 食, 食, 話時話, 小朋友好似多咗個小肚腩, 唔通係比我操肥咗..? 今晚食泰國嘢, 有我最鐘意食嘅 curry crab.. 我真係好鐘意食蟹.. 係一個蟹痴... o但小朋友就一如以往, 係街或者係人地屋企係唔會落手食蟹嘅, 我初時都有唔開心, 因為覺得佢無禮貌, 爸媽不斷嗌佢食, 佢都係啋你都傻, 但好快我又無事喇, 因為我明白到, 每個人都想有佢嘅性格, 我地唔應該要佢地完全就曬自己嘅, 係咪..? 食完飯, 週圍行咗一陣就返屋企, 睇吓 video, 小朋友真係好似好鍾意彥祖喎, 睇得好 enjoy.. good...

最後要回應吓小朋友嘅 diary.. 佢話比著以前, 如果佢突然有假, 我一定會諸多藉口話陪唔到佢... 係架咩, 我真係咁衰..?? 咁就低打喇.. 不過, 以後都唔會喇.. 放心

當我偶遇你....

我係一個 web 白痴, 因為從來都無學過 web programming, 但我真係好想放一首歌係我嘅 blog 到, 上網搵咗好耐, 終於知道點樣係呢到放首歌喇.. 希望你會喜歡啦... 而家已經兩點喇, 好眼瞓.. 不過我一做起嘢上黎就唔停得手, 呢個係我嘅缺點定係優點呢, 見仁見智啦.. 呵呵...

呢首歌原本係我想係情人節送比你嘅, 但後來諗諗吓, 送首歌好似好 cheap 又怪怪地, 所以而家放係個 blog 到.. 你慢慢睇吓啲歌詞啦...

「昨天，流落冰天雪地，無光線、沒有生機；
當我偶遇人間一個你，才真正發覺熱愛滋味！

你的手能令孤單遠離，還給我太多驚喜；
於這浩瀚人海找到你，如昏暗世界，重見希冀...

今天我決定，承諾將心給你，
同行一生、同嚐歡欣、同心分享痛苦傷悲；
今天以後，牽手走到白頭，
窮這生全力愛你！

也許，前路荊棘遍地，狂風裡白雪紛飛；
只要在路途中緊靠你，陽光變晦暗，仍覺很美...

今天我決定，承諾將心給你，
同行一生、同嚐歡欣、同心分享痛苦傷悲；
今天以後，牽手走到白頭，
窮這生全力愛你！


請聽這誓言：忠貞的愛從無變，能遇著你是我福氣！」

從未如此失望...

搞咗好耐嘅 gathering, 到最後都要取消, 我都唔知講咩好, 到最後我好堅定咁 send 咗個 sms 比大家, 話個 gathering 要取消, 我唔會再好似以前咁拖拖拉拉.. 我已經盡咗我最大嘅努力, 無悔.. 係呢到同啲原本可以黎到, 但最後因為要取消而影響到佢地 schedule 嘅朋友仔, 講句對唔住, 因為我實在太唔開心, 而且咁少人可以到, 同我原意已經背道而馳... 原諒我嘅決定...

最後, 約咗朋友仔上屋企食飯, 睇黎, 係我好唔心嘅時候, 只有佢會陪我...

終於明白...

大家有無發覺去見工嘅時候, 啲 interview 你地嘅人到最後都會問, "你覺得自己有咩缺點同優點?", 以前覺得佢地問呢啲問題係好無聊, 因為被 interview 果個一定答 model answer, 但經過咗呢幾年嘅發生嘅事, 我先至發覺呢條問題其實好有意義, 如果人個人想成功, 最少要知道自己有咩優點, 知道唔現代表你一定成功, 但唔知自己嘅缺點就註定失敗, 而我嘅缺點就係太過三心兩意, 無論感情又好, 事業又好, 連簡單到自己嘅興趣都會三心兩意...

感情.. 好似每段感情都出現兩個選擇, 成日都三心兩意, 將兩個人去比較, 有時覺得係某一方面, A 好過 B, 而另一方面, B 又好過 A 喎.. 如事者, 就一腳踏兩船, 又或者, 更差嘅搞婚外情.. 就係呢個缺點令我同 C 小姐失去咗最寶貴嘅嘢.... 其實呢個世界係無人完美嘅, 如果想搵一個人完全附合曬自己嘅要求, 跟本無可能, 人越大, 越發覺, 無論發生咩事, 你嘅令外一半都會係你身邊先係最重要, 另外, 我會去諗究竟邊個嘅生活方式適合自己, 同小朋友一齊嘅日子, 佢有兩句說話我係好深刻嘅...

第一, 係發生係情人節, 原本去食牛排, 但諗一諗之後佢話, 情人節去食, 咪差唔多一千蚊, 好貴喎, 最後我地去咗 satay king, 好簡單咁食咗餐飯, 但好開心

第二, 時間地點, 我就唔記得喇, 佢話, 錢同人, 我會撰人, 佢講嘅, 我都真係信架, 點解, 我唔知, 可能係佢一路以來比我嘅信任喇..

總之, 而家嘅我想全心全意咁對佢好,.. 但小朋友, 我都希望你會對我有多啲信任..

事業.. 之前搵到兩份工, 人工同間公司都好應該 ok 嘅, 但最後係三心兩意之下, 搞到間間公司嘅 HR 對我嘅感覺負面, 更加得罪咗其中一間嘅高層, 最慘就係連累咗我個 friend.. 至於而家呢間公司, 因為走嘅關係,升咗我, 人工, 同之前話加比我嘅 percentage 差咗 4-5 %, 錢都唔係一個最大嘅問題, 最衰嘅係得罪咗一啲小氣嘅人, 無運行... 但一切都已經 finialized.. 後悔都無用... 而家嘅我, 對工作真係無咩熱誠... 期待突破.. 希望我想做嘅嘢有回音, 不過都真係幾妙想天開, 呵呵...

興趣... 一時玩車仔, 一時玩直昇機, 但到而家都兩頭唔到岸, 無樣精.. 至於飛, 由開始到而家都已經 supspend 咗個 account 兩次, 比咗三千幾蚊, 到最近又停咗... 睇黎都係了了無期, 點解我做人咁失敗, 人地 grad 無耐, 都有十幾皮去讀 master, 而自己, 少少錢去飛都無.. 真羞家.. 最鐘意放馬後炮嘅我想講, 我是但一隻股票唔放, 啲錢都夠我個個星期去飛, 飛足兩年....頂... 而家為有寄望今年 2007 有收穫啦...

另外一個缺點就係太過在意別人嘅感受, 搞餐飯局, 就呢個, 就果個, 又諗食咩, 驚食得 cheap, 又好似對唔住大家, 西貢又諗過, 酒席又訂過, 但因為人數唔夠而取消, 仲要比某某單打咁話. "黎嘅動機係咩, 賀你升職加薪?" 老實講, 從來都無諗過有咩值得慶祝, 只係之前有人走, 請過我食飯, 我回禮啫, 同埋去多謝一啲係工作上幫過我嘅人, 就係咁簡單, 搞咗好耐, 啲 email send 黎 send 去, 諗住就多啲人, 但最後, 到今日, 有好多人話比我知黎唔到, 初頭勁唔開心, 後來, 睇開咗, 無嘢啦.. 照去.. 而家諗返, 最初真係唔駛搞咁很多嘢, 攞黎煩...

總括黎講, 我做人點解咁失敗, 因為 "三心兩意" 同埋 "太理別人感受"

2007.. 豬年.. 係我本命年, 我要黎一個大轉變.. 各位, 睇住啦..

愛....

最近睇到一遍關於愛嘅文章, 覺得寫得好啱.. 文章講到, 要知道一個人是否真的愛自己, 分手之後才會真正知道.. 有人可以對分開嘅人視如仇人, 有人可以再見亦是朋友, 其實, 當大家依然相愛嘅時候, 幾肉痳嘅說話都可以講, 幾辛苦嘅都願意為對方做, 又或者好唔願意嘅事都會照做, 但萬一有一日分開咗, 會點呢, 真係要到分開之後先知...

人生經歷過數段感情, 都發覺文章所講嘅幾啱, 但話分兩頭, 我地應該正面啲去睇感情, 我相信真正愛一個人, 可以無條件為對方附出, 即使將來因為咩嘅原因要分開, 都係無悔嘅... 另外, 信, 都係一個重要嘅原素, 過份嘅信任, 可能被人利用, 欺騙, 太少嘅信任, 又會令對方反感, 好難去講應該有幾多信任, 總之, 要別人相信自己之餘, 自己都要做好本份...

講完感情, 講吓工作, 今日返工都仲係勁 holiday mood, 返工等收工, 終於請咗 team 嘅同事食晏, 了咗件心事, 唔知佢地滿唔滿意, 不過無所謂啦, 我都唔係啲好識搞關係嘅人, 盡咗力, 無悔架喇... 可惜今日天公不做美, 去食 lunch 嘅時候落大雨, 好似明玩我咁.. 同事門, 真係唔好意思, 令你地濕身.. 食埋聽晚嘅打邊爐, 就大功告成.. 希望順順利利啦...

年初四...

今日嘅節目, 一早已經安排好曬, 首先係去世伯, 伯有屋企拜年, 之後就睇呢套, "心想事成", 套戲都 ok 啦, 都有啲嘢笑吓嘅, 但我總係覺得佢好似大雜會咁, 將啲人溝埋一齊, 故事又無咩喎, 都係一般嘅新年賀歲片, 得淡笑啦. 如果同 "門徒" 比, 就真係差好遠喇, 搵日要同小朋友去睇多次, 因為我真係覺得幾好睇, 呵, 今日又飲同樣嘅湯, 但好似無咩效,上次飲完好鬼精神, 今次又好似無咩特別... 睇完戲之後, 就去呢個 AIA 嘉年華, 個個 game 都差唔多要排一個鐘, 一開始我地就濕身, 但都真係幾好玩..總共玩咗五個遊戲,.. 以下就係我對佢地嘅玩評...

最好玩嘅就係瘋狂老鼠, 咪睇佢行得好慢, 但完原來上咗去玩, 先知原來係咁激, 小朋友差啲連眼鏡都飛咗出去. 好彩佢足住, 如果唔係就損失慘重

講到浪漫呢, 應該係摩天輪, 不過如果可以一個車廂只係得兩個人, 咁就 perfect 喇.. 但今日玩遊戲嘅時候, 我發現一個秘密, 原來我好似有啲畏高架喎, 玩摩天輪同過山車嘅時候, 原來我好驚架喎, 但點解我揸飛機果陣又唔驚架呢, 呢樣嘢就連我自己都解釋唔到.. 死啦, 唔通我唔適合揸飛機... ??

講到最激氣就更係碰碰車, 四個 gucci 死八婆打尖, 仲要大聲夾惡, 本來我都好忍得, 無出聲, 但佢地搞咗好耐, 比人話完, 都唔肯死心, 我火都黎, 咪鬧佢地鑊金架囉, 另外一個原因, 其實都有啲私心嘅, 因為我真係勁憎人攞住 gucci 同 LV 袋, 呢個都係搞慶我嘅原因, 不過, 佢地最後都好順利咁打尖, 因為大部份嘅香港人都係怕事嘅, 由得佢地,, 點解會咁架, 見到唔公平嘅嘢, 都唔出聲, 啲唔啱嘅人反而理直氣壯... 再咁落去, 香港真係無咩希望....

玩曬我地心儀嘅機動遊戲次後, 我地就轉戰呢個攤位遊戲, 成績都算唔錯, fu fu look look 咁又贏到隻 disney dog 比小朋友而我自己呢就有隻 m & m 嘅公仔啦, 講到最後同大家分享一個笑話..... 以下對白, 真人真事...

T: 不如玩呢個掟飛標....
C: 你射唔射到架...?
T: 淫笑住咁答... "我更係射到啦"
C: 望住 T 先生係到不斷淫笑...
T: 有理無理, 一嘢 "射出去", 咁就中咗紅心, 有獎...呵呵..

一個好開心嘅新年假期, 就係歡樂聲中結束.. 小朋友, 多謝你比咗一個好開心嘅假期比我, 新年後要努力工作... 搵多啲錢,比我愛嘅所有人有安穩嘅生活...

嘩.. 差啲唔記得 mention, 小朋友送咗隻飛機比我做新年禮物, 係一架類似食物小販賣機到抽嘅, 型數係 ANA 全日空 747SR, 好靚架, 我已經一早返公司已經濟砌好咗, 放咗係公司枱頭, 啱啱見到, 所以要加番落個 blog 到... (26/02/07 17:28)

年初三..

中國歷史原遠流長, 真係有佢嘅道理, 今日係年初三, 赤口, 真係幾鬼準, 差啲同小朋友嗌大交, 講真, 係呢件事黎講, 道理又真係唔係我呢邊, 所以佢唔開心, 都係正常, 再加上, 新年嘛, 唔想大家唔開心, 所以呢, 我都做咗超級忍者, 都 tum 咗佢好耐架, 好彩, 最後都無嗌交, 講返唔開心嘅原因, 係我太 open, 呢樣嘢我又真係無諗過喎, 興之所至, 又唔會去理會地點同時間架喎, 做人可須太執著, 想做咩咪做囉, 影響唔到人咪得囉, 不過, 今時唔同往日, 我有責任令我女朋友安心, 所以以後做任何嘢都會三思, 唔會再亂黎, 不過今次妳又真係有改善, 好快就無唔高興, 非常好.. 底錫...

今日新界一日掃街團, 一早起身, 上媽媽屋企食完早餐, 就撘西鐵入 tuen mun, 我都係第一次撘西鐵去到尾站, 一落車, 大家都覺得好肚餓, 一支火箭咁 bill 咗入去 mac don doc, 食咗包薯條,可樂同埋一個 strawberry 新地, 好味, 跟住就逛咗附近商場一陣, 突然衰多口嘅我就講咗啲陳年舊事比朋友仔知, 佢就開始擔心, 跟住 就唔開心喇, 所以話呢, 唔好講太多以前嘅秘密比現任女友知, 唔係你一定好很頭痕, 跟住大家唔出聲行咗去附近公園睇人放船仔, 係我好努力之下, 佢終於無再唔高興喇.

之後我地又傻吓傻吓咁搭輕鐵去 yuen long. 第一次由 tuen mun 撘輕鐵去 yuen long, 都 ok 舒服喎, 唔會好似巴士咗 chor 吓 chor 吓, 又有位座, 正. 去到 yuen long 又係食, 搵到間上次係壹週刊睇到話好好味嘅潮州 lo mei, 條人龍都幾長, 不過好彩唔駛等好耐, 之後係公園仔座低開餐, 嗯, 比我想像之中有啲失望喎, 無本週刊講到咁好食, 啲骨都唔入味嘅.. 可能我爸爸整得仲好食.... 食完嘢做咗一陣運動, 行石春, 嘩.. 痛到我 ar...唔通我成身都有病..?

搞完一輪, 去咗買老婆餅, 原來朋友仔都好錫屋企人, 記得佢地鐘意食咩, 我就比人玩啦, 叫我去恆香買牛肉乾, 頂, 邊樹有呢, 賣嘢果個人覺得我 sort sort 地..跟住朋友仔好想去大榮華食晚飯, 咁咪去囉, 我以因為佢有啲咩咁想食, 原來只係馬拉糕, 真係比佢吹漲.. 後來見到最少要叫八件, 咁就無食喇... 最後大家決定去 B 仔涼粉食少少嘢, 去返新順興買啲 lo mei , 跟住就返屋企.. B 仔啲 chilly 雞翼尖又真係幾好味..

返到屋企, 食完晚飯, 就更係做運動啦,.. 做呀, 做... 正.. 一個好開心嘅年初三咁就過咗喇... 真係合皮....

開年飯...

小朋友今日收早, 所以可以一齊去買咗啲生果, 跟住上媽媽到食開年飯, 可能個人大咗, 越黎越珍惜一家人一起嘅日子, 難得小朋友又唔會唔高興同我屋企一齊食飯同去街, 我真係好好好開心, 回想以前嘅日子, 新年係好唔開心嘅, 每次返屋企都要嗌大交, 而且逗留嘅時間都係好好好短嘅, 只於而家, 就好唔同喇, 我可以一早上去, 食完早餐, 跟任同佢地去買埋餸都仲得, 同以前簡直係天淵之別... 媽媽都明顯比以前開心, 以前想話同家姐一齊去睇出戲, 你真係咪駛旨意, 而家, 朋友仔好大方咁話無所謂, 係呢到真係要同佢講句.. 多謝你嘅體諒.. 你放心, 我唔會再頑皮架喇... 因為生命有你...

小朋友唔開心我 send sms 比舊情人, 我都明白, 但我都想講, 我又唔會對你講大話, 正如我之前所講, 係呢個 blog, 我咩都會講, 因為呢到真係寫低我所有嘅生活點滴... 係新嘅一年, 我真係希望佢可以開開心心, 送上一個祝福, 因為我真係有負於佢, 係我做錯事, 希望你明白同體諒..

騎馬仔, 差啲出事, 下次真係要小心啲, 唔係以後都無得再玩, 咁就大大鑊喇...

大年初一 (必是一生易發)

今日係大年初一, 一早起身一裝身, 跟住就出門口, 去同爸媽, 家姐拜年, 今朝真係好好運, 座到一架車牌勁靚嘅的士, (BZ1328). 真係幾好, 係我心情勁好之下, 比咗多少少嘅 tips.. 個司機叔叔都好開心... 新年嘛, 樣樣都要講意頭啦.. 舊年座著架唔多掂嘅的士, 勁唔開心, 今年就非常滿意.. 個司機又醒目, 比我係大門口落... 一個字, 叻...

係屋企, 收到舊同事嘅 sms 黎拜年, 我當然有 reply 啦.. 另外, 都 send 咗啲祝賀嘅 sms 比老細, 啲街客嘅高層, 仲有舊情人.. 雖然知佢唔會覆, 但無所謂啦, 希望新一年佢身體健康, 開開心心.. 至於發財就隨緣啦..

望吓出面, 個天都好灰喎, 希望呢幾日唔好落雨啦, 我有好多節目架嘛, 呵呵.. 小朋友努力呀, 仲有 4 個鐘你就收工喇, 好嘢, 聽日可以陪我, 我要去騎馬仔, 同睇煙花....

年三十...

今年收穫好豐富, 係 aigle 買咗一件 jacket 同一件恤衫, 平時真係唔會舍得買, 但佢係 made in japan 同埋今年真係好開心, 所以要獎勵吓自己, 小朋友都話好睇, 行花市又有收穫, 話時話, 今件好似係我第人年去行花市有買嘢, 年年都話想買個大鎚, 今年終於買咗, 真係超大, 好犀利, 一路行街, 都不斷有人話, 嘩, 好大呀..

今日同小朋友講起驗身, 我真係好驚, 一種講唔出嘅驚, 做人真係好矛盾, 唔知點做好呢.. 我會唔會好自私呢.?

新嘅一年希望身邊嘅親人同朋友仔, 最重要係有健康, 錢都係其次, 係咪...? 仲有兩分鐘就到豬年喇, 係呢到同大家講句新年快樂. 萬事勝意...

年廿八...

我日年廿八, 中國嘅傳統係洗 lat dat... 我都應一應節, 啱啱拖完地, 洗完 toilet.. 好彩之前已經整好曬 kitchen 同其他嘢, 如果唔係今晚就大大 wok.

小朋友今晚返 night, 真辛苦.. 好彩, 黎緊年初二,三,四都可以陪我..yeah.. 今日無咩特別, 成日係公司都係 holiday mood. 等收工,曼開心莫過於終於都約好曬所有人同幾時去邊到食.. 睇黎呢個 change 都令大家滿意, 幾好啦.. 有時我真係想得太多, 其實好多嘢都係好簡單, 只係我太過執著啫..

最後要同女朋友仔講句對唔住, 我好似越黎越無心肝, 又唔記得佢返 a/n. 真係要係來年好好改善...

笑容..

今朝一早返到公司, 見到矮 d dub 迎面行過黎, 出奇地唔係黑口黑面, 有啲笑容, 同我打招呼, 講起呢個矮仔就諗起女朋仔暗 inch 我嘅說話, 話說有一日我話佢知公司有個死矮仔, 佢就問我喇.. "佢仲矮過你架", 我就答 "唔係喎".. 佢就 inch 我, "咁你又話人地係死矮仔".. 車, 我鐘意呀, 係睇佢唔信眼...吹咩..

香港嘅後生仔.. 有啲文化啦.. 吓吓講粗口鬧人.. 不知所謂, 你係公共地方大大聲咁講.. "咩咩長又長, 夠你賓周長" , 我當然要望吓你啦.. 咁你又要鬧我 "望咩能嘢".. 我心諗, 之唔係望你個 "能樣" 囉... 有你啲咁嘅未來社會主人翁, 香港真係 "充滿希望".. 頂..

唉.. 想發達, 跟我買股票啦.. 不過一定要係我放咗你先好買喎, 我真係無橫財運, 買親隻隻都趺, 但一放咗無耐, 就 bla bla 聲咁升.. 真係吹漲, 我都唔貪心呀.. 只係想搵夠錢娶個老婆仔, 之後有多餘錢就完成我嘅夢想啫, 生生性性啦.. 唔該.. 唔該.. 財神爺, 關照吓細佬...

情人節...

今年可以話係我一生人之中最特別嘅一個情人節, 所以好想騎馬仔, 可惜最後由於時間同體力關係, 最後都無法達成心願.... 可惜... 我個人鐘意先苦後甜, 所以講完啲唔開心嘢先, 而家可以講返啲開心嘢喇...

特別嘅原因係, 我咁大個人都未試過可以一心一意咁同一個自己所愛嘅人去過情人節, 係呀, 係愛, 而唔係鐘意咁簡單, 愛同鐘意有咩唔同, 有架, 有愛, 你會去包容同盡力令佢開心, 唔會好刻意, 一切都係好自然嘅, 禮物, 花, 燭光晚餐, 通通都無, 但過得好開心喎 (唔知係咪我一廂情願嘅諗法呢, 呵呵...) , 晚餐只係係 satay king 食一餐好簡單嘅飯.. 樣樣都好味, 除咗果碟瀨尿蝦.. 好唔新鮮, 但只係我唔醒目, 明知只係 $78 一碟, 一睇個價錢都知無好嘢啦.. 仲點呢味.. 真係死蠢.. 好彩, 小朋友都無唔開心, 啲個咪佢可愛之處囉.. 食完飯去咗維園行花市, 無咩特別嘢賣, 大部份都係啲吹氣公仔, 一般啫, 我地都係空手而回.. 不過行到最後居然見到一當攤位, 仿效平時係觀塘首先派嘢比人, 然後 tum 人買嘢嘅奸商... 連花市呢啲咁嘅地方都夠膽騙人.. 犀利...

最後我一定要多謝小朋友比咗一個開心嘅情人節比我啦...

期望...

我對唔同種類嘅人都有期望...
爸爸.. 希望佢睇錢唔好睇得咁重要.. 但話分兩頭, 佢願意將幾年全年嘅人工供我去澳洲讀書, 我相信即使有的家境比我地富裕嘅家庭, 佢地嘅父母都未必願意咁做, 正如咁日workshop 嘅 speaker 所講, 我從個仔小學開始已經同佢講明, 係唔會供佢去外國讀書嘅, 要去嘅, 自己儲錢... 爸爸, 我以你為榮.. 我覺得你叻過李x誠.. 但可惜佢只會好似一隻牛牛咁努力工作, 做咗大半生到退休, 都無咩錢儲... 我要努力工作, 比佢有好日子過...

媽媽.. 又係將一生貢獻曬比我地兩隻化骨龍... 希望佢唔好咁 law saw 啦.. 少啲 complain.. 不久將來比我地係新屋打邊爐...

姊姊.. 唔好成日唔開心.. 一份工啫.. 做埋今年都唔知有無得 extend 啦.. 唔好太過緊張.. 身體要緊...

女友/太太.. 老土啲講, 無論將來貧病富貴, 佢都唔好掉低我....

前妻.. 改變吓佢嘅性格, 多啲明白人地嘅感受, 睇開啲, 咪開心啲囉...

舊情人.. 開開心心咁生活, 如果可以啲話, 希望再見亦是朋友...

自己.. 聰明啲, 有能力養妻活兒...

仲有半個鍾多啲就係情人節, 今年特別有意義... yeah...

第一個 blog

一個好懶嘅人, 點解會去寫 blog 呢, 呢個答案就連我自己都唔太清楚, 只係呢一刻真係好想有個地方比我寫吓我嘅生活點滴....

係呢到要多謝 C 小姐對我嘅包容同忍耐, 以前嘅我, 做咗好多錯事, 傷害咗佢好多人, 難得佢肯原諒我, 我只可以從心底裡講句多謝, 至於一啲唔可以原諒我, 視我如無物嘅人, 我都要同佢講聲對唔住, 好坦白咁講, 當初嘅選擇只係出於一個原因, 就係我可以全心全意咁去愛邊個, 比到幸福佢, 最初 C 小姐比我嘅感覺係一個好多心嘅人, 正所謂各行各業嘅朋友仔都有, 我都有所保留.. 識落咗又覺得唔係架喎, 問心果句, 我真係一個無咩條件嘅人, 人到中年, 錢又無, 老婆又走佬, 得層負資產嘅居屋, 老豆話事齋, 咁大個人都係得 look 棍, 但佢又鐘意我, 真係有啲唔明. 不過而家都好, 起碼出街唔駛驚, 可以一心一意咁去對一個人, 果種心情係好唔同嘅, 所以話呢, 人最緊要唔好貪心, 一心真係唔好可以幾用, 如果唔係到最後損失嘅只會係自己.. 我做錯事已經令我同 C 小姐失去一樣好寶貴嘅嘢.. 對唔住...

今日去上 career development workshop.. 只係收到一個信息, 就係叫大家諗定一個想去嘅地方, 近又得, 遠到去一個唔知叫咩名嘅荒島又得, 我心諗, 講你地就天下無敵, 做就有心無力, 簡單啲講, 咪就係賣我地豬仔囉, 正所謂, 敵不動, 我不動, 煮到黎先算....

今日行街, 聽到一句說話, "情人節, 咪係啲要洗錢又要 tum 女嘅節日囉".. 嘩, 無人搵枝槍指住你去做架嘛, 兄台, 唔願意咪飛咗條女, 咩都慳返啦... 係咪, 唔駛講得咁刻薄...

食飯, 搞到我好唔開心, 人人都好似無咩反應, 最後應該有八個人, 唔好煩, 一於夠人就去擺返圍, 唔夠人就去西貢食海鮮, 日子都已經擇好, 年初六, 提早慶祝人日, 唔就得咁多人架喇.. 正所謂, 就就就, 唔就就黎應就啦...

嘩係時候收手, 打咗好長.. 各位觀眾, 晚安...