愛....

最近睇到一遍關於愛嘅文章, 覺得寫得好啱.. 文章講到, 要知道一個人是否真的愛自己, 分手之後才會真正知道.. 有人可以對分開嘅人視如仇人, 有人可以再見亦是朋友, 其實, 當大家依然相愛嘅時候, 幾肉痳嘅說話都可以講, 幾辛苦嘅都願意為對方做, 又或者好唔願意嘅事都會照做, 但萬一有一日分開咗, 會點呢, 真係要到分開之後先知...

人生經歷過數段感情, 都發覺文章所講嘅幾啱, 但話分兩頭, 我地應該正面啲去睇感情, 我相信真正愛一個人, 可以無條件為對方附出, 即使將來因為咩嘅原因要分開, 都係無悔嘅... 另外, 信, 都係一個重要嘅原素, 過份嘅信任, 可能被人利用, 欺騙, 太少嘅信任, 又會令對方反感, 好難去講應該有幾多信任, 總之, 要別人相信自己之餘, 自己都要做好本份...

講完感情, 講吓工作, 今日返工都仲係勁 holiday mood, 返工等收工, 終於請咗 team 嘅同事食晏, 了咗件心事, 唔知佢地滿唔滿意, 不過無所謂啦, 我都唔係啲好識搞關係嘅人, 盡咗力, 無悔架喇... 可惜今日天公不做美, 去食 lunch 嘅時候落大雨, 好似明玩我咁.. 同事門, 真係唔好意思, 令你地濕身.. 食埋聽晚嘅打邊爐, 就大功告成.. 希望順順利利啦...