等價交換...

買股票唔見咗好多錢, 之前連最鍾意嘅'飛', 都唔啥得, 但最後一怒之下, 賣曬手上嘅貨, 勁蝕離場, 都係老婆講得啱, 我係一個無運嘅人, 應該咁講, 我無財運, 但一路以來有個幸福嘅童年, 同 ex 分開之後, 更加覺得無可能會搵到另外一半, 因為自己嘅背景,樣貌, 身高, 財政, 各方面都好唔掂, 另外, 從小就覺得自己唔可能有 bb, 因為蛋蛋好似好細, 自己中學嘅時候, 係呢個 microscope 之下睇啲 fall 豆仔, 身形好似唔多似樣, 最驚就係佢好似唔識變返做水狀, 所以一路都唔夠膽去做婚前檢查, 但而家, 婚又結咗, 仔又生埋, 呢啲係我從來無諗過會發生嘅事... 所以我無財運, 但有其他方面嘅祝福, 呢啲叫 "等價交換".

上星期六, 唔知點解, 突然想買 macbookpro.. 真係一刻衝動, 重越撰越貴嘅 model, 諗真, 可能只係為面子, 因為其他人又買 Rolex, iphone, macbookpro, 而自己好似咩都無, 所以想買樣嘢黎"曬"吓, 就係咁, 賣曬手上嘅貨, 結果錢又蝕曬, 機又買唔成, total loss. 就當果啲錢買咗一個好大嘅教訓囉...

諗真, 而家屋企部 pc, 做到曬我想做嘅嘢, 根本唔需要買部 notebook, 因為要攞出去廳用嘅機會真係好少好少.. 就算係用電腦嘅時間都好少.. 而家最想同最需要係張床, 我諗呢個諗法, 老婆會好同意...

相隔兩個月

好耐都無打日記, 係時候要 update 一下, mo 仔唔經唔覺已經一歲, 大過仔咗, 明白我地講嘢, 可以同佢有 two way communication, 已家已經行得好定同好穩陣, 咁晚同佢玩 ball ball, 佢識單手攞起, 然後你叩佢比姑媽, 爺爺, 嫲嫲, 爸爸, 佢全部都認得, 比啱曬, 我都覺得好出奇, 點解佢會識架呢, 可能我地成日同佢講, 呢個係邊個邊個, 漸漸佢已經記得, 老婆放工, 講咗另一件事我聽, 我仲 suprise, 佢原來認得曬好多屋企唔同地方, 同埋係果到做啲咩, 真係無諗過佢會記得曬呢啲嘢, 可能一歲之後嘅學習可能力真係高好多, 細路仔, 果然好勁....

遲啲印印就會上班, 我真係超唔習慣, 有時諗起都會唔係好開心, 無啦啦屋企多咗個人, 點搞.. 不過我都知道真係有需要, mo mo 開始大, 我地應該將啲家務比工人做, 等我地有多啲時間同佢玩, 教佢多啲嘢, 咁啲時間先用得有 value, 希望果個印印唔會帶比我地好多 trouble 啦, 保佢大, 正正常常, 唔好蝦我 mo 仔..

家姐真係失業喇, 睇黎佢都真係唔會搵到嘢做, 有時我都會好擔心佢, 因為佢真係唔識因為自己將來打算, 買咗月供基金, 如果唔係阿媽叫佢儲返啲 statement, 佢都真係掉曬, 問佢幾時買, 又話唔知, 發脾氣, 唉.. 我都真係唔知佢驚唔驚第時瞓街, 做細佬, 都要幫佢諗下, 諗咗好耐, 叫佢將啲公積金嘅錢買咗中國銀行, 希望十年後升值幾倍, 到時都有個錢係身, 唔駛乞做兒...

至於我自己, 條 team 啲人一個一個咁 post 去做第二啲 project, 就黎無曬人, 呵呵.. 黠算, 今日無啦啦阿姐話我寫嘢好, 比我去上一個 course, 話上完番黎寫番個 report, 幫公司答 tender 嘅時候吹下水, 賣藥, 搵吓生意, 真係好奇, 我寫嘢狼咩咁好呢, 另外, 好似跟咁多個 boss, 佢地對我印象都唔係好差, 我時時都覺得自己唔得, 但佢地又好似覺得我 ok wor.. 我係咪應該對自己有啲信心呢..? 哈哈, 入黎咁耐, 都好似只係升 SA 嘅第一年無攞過 MR2.. 有啲自豪..

我嘅夢想, 係飛, 從來都無改變過, 好坦白講, 我做嘢好多時都係三分鐘熱度, 但有關飛機嘅嘢, 我樂此不疲, 一本書可以睇幾次, 一個 flight sim game, 可以搞到幾乎天光, 都要搞掂, 我相信每個人都有夢想, 或者咁講, 如果做人無夢想, 無目標, 一世都會胡胡混混, 虛渡光陰, 到老一事無成, 我好想有一日到老可以好自豪同自己或者係仔仔講, 爸爸嘅夢想係咩, 最後都完成咗.. 一生要有目標...但呢樣嘢到目前都無人明白和認同, 前妻, 前女友, 而家老婆, 屋企人, 個個都覺得呢樣只係有錢人 "玩" 嘅嘢, 浪費金錢, 其實我點只想學飛, 我仲想有牌可以帶啲小朋友飛上天, 同埋攞個教練牌, 教人飛, 到時就唔駛比錢飛之外, 仲有錢收, 不過呢個夢想太遙遠喇.. 可能唔係夢想, 而係幻想.. 灰.. 我買咗一隻股票, 希望可以夢想成真...十年之後有無可能呢? 真係唔知.. 除咗錢, 健康都係另外一個 issue, 幾年前做嘅時候, 話個 pulse rate 90 幾, 跳得快, 要做兩次先 pass, 而家再做, 都好驚唔 pass, 可能發現自己有病, 點算呢..? 有時望返自己嘅 flight log book, 都好 sad, 可能當時唔係飛咗二十個鐘之後, 就黎 solo, which is a big big milestone, 突然停咗唔飛, 挨埋落去, 而家已經有牌喇... 仲記得果時 instructor 都有啲失望, 問我點解就黎 solo, 先突然唔飛...我都唔知點解, 只可能講, 每個人都有負擔, 要生活養,屋企人.. 凡事豈能盡如人意，但求無愧於心..

誰比你重要..

今日終於出咗 bonus 喇, 比我預期多好多, 原本我應該好開心, 但我反而無咩特別嘅感覺, 而家錢財工作同學飛對我黎講,通通都唔重要, 我最緊張嘅只係小朋友, 好擔心佢, 佢啦, mo 仔, 同屋企人係我人生之中最重要嘅嘢, 我好想係呢到講一句, 我愛你, 我唔會再發你脾氣架喇, 費事激親你, 同埋以後夜晚我會喂奶, 你多啲休息, 唔好咁粗勞喇, 知無? 可能 mo 仔出咗世之後壓力大咗好多, 呢個都有影響架喎, momo 你要錫媽媽多啲, 知無, 媽媽好辛苦, 日日照顧你, 你要聽聽話話, 對爸爸唔好唔緊要, 但唔可以激媽媽.. 如果唔係, 我一定打打你架..

咩都唔好諗...

我有一個好大嘅點, 就係成日三心兩意, 其實做人唔應該搖擺不定, 早幾日聽人講話 macbook 點好點好, 又想買一部, 星期六清潔屋企, 原來我有好多好多舊嘅玩具, 洗咗好多錢, 所以我決定以後買嘢, 真係要諗清楚有用先買, 所謂有用嘅定義係無咗果樣嘢係唔得嘅, 好似 macbook 咁, 無佢得唔得呢..? 我諗咗好耐, 終於有答案喇, 係屋企, 我都唔係成日要用電腦, 如果話攞黎玩 flightsim..msn friend 講得好啱, flight sim is shit.. 有錢不如儲低佢, 攞黎將來飛好過啦, 諗諗吓又係喎, 飛過真嘅飛機, 又真係覺得 flightsim 完全比唔到果種感覺我架喎, 二萬蚊, 買部腦, 不如 save 低佢, 還 home loan 好過啦, 快啲還完, 到時想做咩都得啦, 所以已經決定唔買喇, 唔好再諗...

近來成日同小朋友嘈交, 我都明佢好錫 mo 仔, 佢食得唔好, 又會唔開心, 有時佢自己都唔想發脾氣, 但控制唔到, 我都明白, 可能我講一啲嘢佢會唔啱聽, 但我都係為佢好, 我覺得如果真係好攰, 咁可以放係我屋企, 休息夠喇, 先揍佢囉, 我地唔係 iron man.. 需要嘅時候就要休息架啦, 做每一件事, 都係講 quality 而唔係 quantity, 不過, 我都明佢有佢嘅憂慮同諗法, 所以我只會比意見, 都盡量控制自己唔好因為佢唔跟我嘅諗法去做而發脾氣, 無論如何, 佢都係我一生之中最愛嘅另一半, 當初同佢結婚果時同而家嘅愛, 一啲都無少到, 仲多咗潻, 不過老實講, 我好唔鍾意成日都嘈交, 會好 hurt 大家..

咁晚好開心, 返到屋企, 小朋友打機, 我就睇書, 好耐都無試過咁 relax 喇, 好早就可以瞓覺.. 爽.. 已經好耐好耐未試過, 好有一種拍拖 feel.. 如果一個月有一次半次就好喇... 多謝小朋友同我慶祝生日, 同陪我屋企人過母親節, 對唔住呀, 你請我食啲咁貴嘅嘢, 我仲要發你脾氣, hm.. 當時你搶住出錢, 周圍嘅人望住, 我好瘀架..知無? 不過真係好開心...多謝..

Stone Grill.. 啲嘢都唔好食嘅, 果塊所謂澳洲火山石, 又話可以 keep 住 450 度 45 分鐘, 老點嘅, 去到半個鍾, 我放隻手指落去, 都只係覺得佢熱熱地, 搞到我食半生熟嘅 lobster... 啲味道只係一般, 仲要係時價, 睇唔到, 比佢屈咗一大筆..頂.. 五百幾, 我食和牛好過啦.. 不次唔會再去.. 母親節晚飯, 又係比人搵笨, 一間原本只可以坐十二個人嘅房, 最後坐咗四枱, 加埋二十幾個人, big 到呢, 啲嘢食又唔掂, baby roast pork + 油雞又話唔得, 係都要人撰差燒 + 燒肉, 好喇, 想食花蟹, 又話比人訂曬, 真係吹漲.. 一句講曬, 無下次, 睇黎都係美心比較正常, 翠園都應該唔多掂, 上次結婚都試過啦, 不知所謂.. 不過, 食咩都無所謂啦, 最緊要係一家人係埋一齊, 開開心心... yeah...

可不可以

mo 仔未出世之前, 我同小朋友好少好少嘈交嘅, 就連媽媽都會講, 佢地點會嘈交, 但近來我地每幾日都會嘈一次, 坦白講, 大部份嘅原因都係因為我無啦啦發脾氣, 我自己都唔知點解, 可能返工壓力好大, 日日都擔心比人炒, 而家返工我都唔知自己做緊咩, 好似可有可無咁, 無咗份工, 真係唔知點算好, mo 仔仲係好細, 有時諗, 仲有二十年, 好驚好驚突然無嘢做,到時佢地點算?? 食糖水.. 入口 好 dry 好 dry, 唔知仲咩又諗起, 係人地屋企食, 唔係咁架喎, 一啲都唔會 dry, 唔通我唔識整, 同佢舊時果個水準差好遠? 定係我整我太軟.? 唔想食..? 總之諗咗好耐, 怪自己無鬼用囉.. 所以又發脾氣..
今日食飯小朋友又以為我啲同事笑佢, 跟本唔係, 人地講緊第二樣嘢, 好多人笑, 佢聽到我側邊個女同事笑, 又話我好哀, 我都無計...點解永遠都覺得我唔好架..

嬲..

小朋友咁晚問我係唔係嬲, 講真又唔係, 或者而家已經唔識嬲喇, 只係感覺唔開心, 點解, 有時連我自己都講唔出, 係種感覺, 自從 mo 仔出世之後, 總覺得佢將所有精神放曬落佢到, 我好似已經無咩地位, hm..其實唔係投訴, 只係有時我都會問自己, 係咪有咗小朋友就會係咁架呢..? 出世之後, 去過一次澳門, 其他時間真係無試過 full day 出過去, 原本諗住 easter holiday 起碼可以二人世界出去一日, 但結果又係無,好喇, 又等生日啦, 不過最後又發覺佢從來都無 plan 過喎, 唉.. 上次佢問我仲咩唔去睇戲, 老實講, 見到佢果樣已經好眼瞓,仲邊有心情去呢, 我覺得任何事都要攞個平衡, 唔可以將全部時間放曬落某事或人身上,不過呢個只係我嘅睇法, 我知講完都唔會改變到.. 又或者我跟本唔想因為我講完而特登去改, 因為我相信一個人嘅行為會好自然反影出另一個人係佢心中嘅重要性, 無需要特別去改, 因為呢個只會有 short term effect.

回味無窮...

哈哈咁晚同老婆食 "糖水", 試新嘢,真係好鬼 "正".. 好耐都無試過買新糖水食, 好回味.. 如果我無咁眼瞓, 一定食多碗..不過可惜太黑, 睇得唔清楚, 如果唔係, 嘩, 慢慢食粒朱古力豆, 仲正.. 呵呵. 下兩個星期佢放大假, 唔知會唔會日日有得食呢.. yeah..

有人話 mo 仔同我一個餅印, 真無超唔開心, 保你大, 千期唔好似我, 我咁樣衰, 成日比人笑, 感覺好難受. 似媽媽好啲, 性格, 樣貌, 身材, 智慧, EQ, IQ 樣樣都好過我.. 咁樣會識到女仔..生活開心好多.. 係咪.. 仔仔.. 快啲識行, 爸爸帶你去沙灘同姐姐玩..

願...

好耐都無寫個 blog.. 突然好掛住小朋友, 所要要寫吓, 我希望自己身體健康, 近來即使瞓咗好多個鐘, 但起身都仲係好疲倦, 係唔係我身體有病呢..? 以前瞓幾個鐘都已經好精神架, 眼見小朋友日日揍 mo 仔, 好辛苦, 但自己又咩都唔幫手, 好內疚.. 佢今日係醫院又超忙碌.. 好 tired.. 對唔住呀. 你比我夜晚試吓餵奶啦... 咁你可以瞓多一陣... 好嗎..?

愛一個人...知道小朋友花好多時間同心力去照顧 mo 仔, 真係好多謝佢, 最近見到佢好疲倦, 餐餐都要同 mo 仔博鬥一輪先餵完佢食嘢, 真係超慘, 佢可能好奇怪點解近來 mo 仔喊, 我都無發脾氣, 我自己都唔知呀, 可能係上次跌親佢之後, 覺得好內疚, 所以而家比以前錫佢多好多, 放假都會多咗去媽媽到同佢玩, 哈哈, 而家佢一見我就笑架喇, 認真過癮, 睇返佢啱啱出世啲相, 而家更係醒好多啦, 有個同事仲係 blog 到話佢 cute tim.. 希望佢快啲識行, 我就可以帶佢去街街玩啦.. 呵呵.. 去沙灘玩沙, 游水, 同 "姐姐" 玩.. 話睇吓媽媽個樣, 一定好 "興" 喇.. okok.. 唔同 "姐姐" 玩, 咁叫埋媽媽, 家庭樂.. 諗起都開心... 老婆大人, 我愛你, 你知道嗎....?

19-Feb.. 大開殺戒嘅一日, 上至高層, 下至 small potatoe.. 都有機會被殺.. 我最唔開心嘅係, 一啲好叻, 又或者嘅放棄咗同自己小朋友最寶貴果幾年相處時間, 盡力為公司, 上咗大陸老遠做嘢,仲攞埋 excellence award.. 到最後, 一聲唔該就比人閹咗.. 唉, 咩世界.. 為公司, 你 on 9 啦... 大家姐.. 好 smart, 好 presentable, 好文彩, 又唔知點解被 kill.

一啲好耐好耐無同你 contact 嘅人, 平時日日係 msn 見到你都唔會 show 你, 前晚無啦啦問我咩 criteria.. 我都真係覺得好有趣, 我點識答你呢, 你問我交咗咩人, 我都可能有啲頭緒嘅, 不過我又唔講得你聽, 再講, 交還交, 阿姐諗咩又有邊個知呢.. 順其自然啦...

飛, 始終係我夢想, 同小朋友講 easter 想去菲律賓, 佢好似以為我講笑咁, 我好認真架喎... 睇黎都係無希望啦.. 一年又一年, 諗住儲錢, 點知一加加 30%.. 唉, 夢想成空.. 啲嘢只會越黎越貴.. 最後 afford 唔到.. 應該一畢業, 問媽媽借錢, 學咗佢.. 而家唔駛後悔, 原來未結婚, 未有小朋友係最 free 嘅, 有咩心願, 應該係呢啲嘢發生之前搞掂佢, 唔好諗住等第時, 如果唔係, 一定做唔成, 人越大, 付擔越大... 呢個係 facts... 知無...

越來越可愛...

前晚仔仔發燒, 我覺得好內疚, 諗返轉頭, 最錯嘅唔係屋企人, 而係自己, 帶完佢去打針, 一返到自己堅企, 因為打掃緊, 而且諗住下晝同小朋友買嘢打邊爐, 所以叫媽媽即刻帶咗佢返藍田, 但又無比到枝溫度計比佢地, 仲大安旨意話比佢地知, 通常仔仔都係夜晚先發燒, 所以可能係咁, 佢地又唔知仔仔發燒, 又無為意要打比我地, 驚阻住我地食飯, 去到佢已經燒到 39 度, 佢媽媽即刻唔開心到喊, 對唔住呀.. 其實仔仔出世之後我都無好好咁照顧佢, 近來發覺佢對住我係唔會多笑, 但對住媽媽, 爺爺同嫲嫲, 佢係會好開心嘅, 我突然發覺再係咁落去, 佢會唔多親我, 所以我黎緊要揍佢多啲, 咁日我餵佢食胡仔, 佢好叻叻喎, 食咗好多, 仲要係自己識擘大個口仔追住黎食, 好搞笑... 可能佢已經有六個月, 似返個人仔, 好得意, 同佢玩, 又識比反應, 超可愛...

唉, 咁晚成晚都咳,又流鼻水, 搞到成晚都無咩好瞓, 今日返到公司, 個頭痛到好似爆炸咁, 真係想死, 最驚係傳染埋比仔仔, 咁就大件事喇, 希望今晚食咗小朋友所講嘅 cough syrup, piriton 同 panadol 會有幫助啦, 聽日又要去 Kowloon Bay 開會, 唔精神就麻煩喇, 唉, 如果係以前, 同阿姐講聲就可以早走, 去睇醫生啦, 而家, 諗都唔好諗, 為有等佢自然好囉, 唔係點呢.. 討厭加討厭!!!