改變..

近來發覺小朋友有啲改變, 呢個改變對我黎講係好嘅, 至於改變係咩, 簡單啲講, 係唔再好似已前咁唔開心嘅時候, 又唔出聲, 又唔搵我, 咁晚大家因為一啲小誤會, 講完電話, 大家都有啲唔開心, 但我相信大家都無"騮"大家,只係傾得唔開心, 開始無咩想講, 跟住就收線喇, 我收線之後又諗過聽晚唔打比佢, 以示我嘅不滿, 但後來諗清楚自己真係唔應該咁小氣, 同埋真係鐘意一個人, 唔好成日因為小小事而頂咀, 大家唔理大家, 所以後來呢個"大懲罰"計劃都放棄咗.. 點知隔咗無耐就收到小朋友電話, 佢仲問我係唔係唔開心, 其實只係一個小誤會嗜, 我以為佢唔鐘意我買咁多股票, 講比佢聽我啲退休金賺到少少錢, 想佢同我一齊分享吓啲開心, 佢又一句 dut 埋黎, 話我有排都未退休,攞唔到, 搞到我開心嘅 mood 無咗, 佢又以為我吋佢, 問佢無嘢講咁打黎仲咩, 其實我計過我有錢先買果啲股票架, 而家手頭上啲錢都夠結婚, 我有分數, 唔會亂黎架喎, 放心, 我真係希望可以錢搵錢, 總好過一啲理財大計都無, 啲錢會經唔起通漲, 會縮水架, 我而家都仲後悔點解十年前無月供儲錢, 如果唔係, 而家都可能係小富翁, 可以實現我嘅夢想喇... 小朋友, 真的愛你..